രണ്ടാം വരവിൽ വമ്പൻ നേട്ടം

കൂവക്കൃഷിയിലും മൂല്യവർധനയിലും മികച്ച നേട്ടമുണ്ടാക്കുന്ന കർഷകൻ

- 

വമ്പൻ തിരിച്ചുവരവിലാണ് കൂവ. പൊടി കിലോയ്ക്ക് 2000 രൂപ വരെ വിലയുണ്ടെന്നു കേട്ട് വിസ്മയിക്കു ന്നവരിൽ പറമ്പിൽനിന്നു മുൻപ് കൂവ പിഴുതെറിഞ്ഞവരുമു ണ്ട്. കുഞ്ഞുങ്ങൾക്കു കുറുക്കിക്കൊടുത്തിരുന്ന പോഷക ഭക്ഷണം എന്നതിനപ്പുറം പരിഗണനയോ പ്രാധാന്യമോ ഇല്ലായിരുന്നു ഈയിടെവരെ കൂവയ്ക്ക്. വെള്ളക്കൂവയിനം മുൻതലമുറ വല്ലപ്പോഴും പുഴുങ്ങിക്കഴിച്ചിരുന്നുവെന്നു മാത്രം.

ഇടക്കാലത്ത് പക്ഷേ, ആരോഗ്യഭക്ഷണത്തെക്കുറിച്ചുള്ള ചർച്ചകളേറുകയും കോവിഡിന്റെ വരവ് അതിന് ആക്കം കൂട്ടുകയും ചെയ്തതോടെ കൂവപ്പൊടിയുടെ മേന്മകൾ ശ്രദ്ധിക്കപ്പെട്ടു തുടങ്ങി. മുഖ്യ വിളയ്ക്കൊപ്പം അനുബന്ധവിളയായി കൂവയെ നിലനിർത്തിയിരുന്ന അപൂർവം കർഷകർ അതോടെ ഉഷാറായി. കൃഷി എളുപ്പമാണെങ്കിലും കൂവത്തട അരച്ചുപിഴിഞ്ഞ്, വെള്ളത്തിൽ പല തവണ തെളിച്ചെടുത്ത് പൊടിയാക്കുന്നതിന് ഏറെ അധ്വാനവും സമയവും ആവശ്യം. അതിനാൽ കുറച്ചു പേരേ അതിനു തുനിഞ്ഞിരുന്നുള്ളൂ. എന്നാൽ, കൂവപ്പൊടിക്കുണ്ടായ പുതു ഡിമാൻഡ് കർഷകരിൽ ആവേശം ജനിപ്പിച്ചിട്ടുണ്ട്. അവരിലൊരാളാണ് ഇടുക്കി തൊടുപുഴയ്ക്കടുത്ത് വെള്ളിയാമറ്റം കിഴക്കേക്കര സിബി കെ. ജോൺ.