പൂന്തോട്ടത്തിലേക്ക് 5 പുതു പൂച്ചെടികൾ

നമ്മുടെ കാലാവസ്ഥയിൽ നന്നായി വളരുകയും പുഷ്പിക്കുകയും ചെയ്യുന്ന, ഏതാനും പുതിയ ഇനം ചെടികൾ പരിചയപ്പെടാം.

- ജേക്കബ് വർഗീസ് കുന്തറ Canom: 9447002211 Youtube Channel: JACOBINTE UDHYANAM

ദിവസേനയെന്നോണം എത്രയെത്ര പൂച്ചെടികളാണ് നമ്മുടെ വിപണിയിലെത്തുന്നത്. അന്യദേശങ്ങളിൽ നിന്നുള്ള ഇവയിൽ പലതും നമ്മുടെ മണ്ണിനും കാലാവസ്ഥയ്ക്കും യോജിച്ചതാവില്ല. എന്നാൽ, ഇതു തിരിച്ചറിയാതെ പലരും കിട്ടുന്നതൊക്കെ വാങ്ങി നടുന്നു. ഫലമോ നിരാശയും സങ്കടവും. പല അന്യദേശച്ചെടികൾക്കും നമ്മുടെ അന്തരീക്ഷത്തിലെ ഉയർന്ന ഈർപ്പവും മാസങ്ങളോളം നീണ്ടുനിൽക്കുന്ന മഴക്കാലവും അതിജീവിക്കാൻ കഴിയില്ല. നമ്മുടെ കാലാവസ്ഥയിൽ നന്നായി വളരുകയും പുഷ്പിക്കുകയും ചെയ്യുന്ന, ഏതാനും പുതിയ ഇനം ചെടികൾ പരിചയപ്പെടാം.

റെഡ് ക്രേ് മിർട്ടിൽ

മണിമരുതിന്റെ ജനുസിൽപ്പെട്ടതാണ് റെഡ് കയ്പ് മിർ ട്ടിൽ. കടും ചുവപ്പ് പൂക്കളുള്ള പൂങ്കുലയും കറുപ്പു കലർന്ന മെറൂൺ നിറത്തിൽ ഇലകളുമുള്ള ഈ കുറ്റിച്ചെടി പുൽത്തകിടിയുടെ നടുവിൽ ഒറ്റയ്ക്കും അതിരിൽ നിരയായും വളർത്താം. അൽപം ചാഞ്ഞു വളരുന്ന തണ്ടിന്റെ അറ്റത്ത് ഞൊറികളുള്ള ചെറിയ പൂക്കൾ കുലകളായി ഉണ്ടായി വരും. ചെടി മതിലിന് അരികിലാണെങ്കിൽ മതിലിനു പുറത്തേക്ക് ചാഞ്ഞു വളരുന്ന കമ്പുകളിലെ പൂങ്കുലകൾ വീടിനു പ്രത്യേക ഭംഗി നൽകും. തണ്ടിൽ നിറയെ ഉള്ള മെറൂൺ ഇലകൾ പൂവിടാക്കാലത്തും ഈ ചെടിക്കു വേറിട്ട ഭംഗി നൽകുന്നു. കമ്പു മുറിച്ചു നട്ട് വളർത്തിയെടുത്ത തൈകളാണ് വിപണിയിൽ ലഭിക്കുക. 10 അടിയോളം ഉയരത്തിൽ വളരുന്ന ചെടിയുടെ കമ്പു കോതുന്നത് ഉയരം ക്രമീകരിക്കാനും കൂടുതൽ ശിഖരങ്ങൾ ഉണ്ടായി വന്ന് സമൃദ്ധമായി പൂവിടാനും ഉപകരിക്കും.

നിശാറാണി