മുള്ളില്ലാ, മുതുകില്ലാ മച്ചലി, ഫ്രം ഫിഷ്‌ലി

അച്ഛന്റെ മത്സ്യക്കൃഷി, മകന്റെ മൂല്യവർധന

- 

ഇതാ കിലോക്ക് 1000 രൂപ തിലാപ്പിയ വിൽക്കുന്ന കർഷകൻ, കോട്ടയം ജില്ലയിലെ തീക്കോയി കണ്ടത്തിൻകര അമിത് ജോസ്. നമ്മുടെ നാട്ടിൽ എല്ലാവരും വളർത്തുന്ന ഗിഫ്റ്റ് തിലാപ്പിയയ്ക്കോ 1000 രൂപ! "ഇതു വെറുതെ തള്ളലല്ലേ...?' എന്നു പറയാൻ വരട്ടെ. അമിത്തിന് അധികവില കിട്ടാൻ കാരണമുണ്ട് സ്വന്തം കുളത്തിൽനിന്നു പിടിച്ച മത്സ്യം മുള്ളു നീക്കി മാംസം മാത്രമുള്ള ഫില്ലറ്റ് ആക്കിയാണു വിൽപന. 3 കിലോ തിലാപ്പിയ ഫില്ലറ്റ് ആക്കുമ്പോൾ ഒരു കിലോ മാത്രമേ കിട്ടൂ. എങ്കിലും കിലോയ്ക്ക് 300 രൂപയിലേറെ വില നേടാൻ ഈ മൂല്യവർധനയിലൂടെ സാധിക്കുമെന്ന് അമിത്. ലൈവായി വിറ്റാൽ പരമാവധി 200 രൂപ കിട്ടുന്ന മീനിന് 50% അധികമൂല്യം. കൂടുതൽ വില നേടുന്നതിനെക്കാൾ തന്റെ ശ്രമം മുന്തിയ ഉപഭോക്താക്കളുടെ പുതിയ ശ്രേണി സൃഷ്ടിക്കാനാണെന്ന് അമിത്വി ശദീകരിക്കുന്നു. സാധാരണ ഉപഭോക്താക്കളെ നഷ്ട പ്പെടുത്താതെതന്നെ വിൽപന വർധിപ്പിക്കാൻ ഇതുവഴി സാധിക്കുന്നുണ്ടെന്ന് അമിത് പറയുന്നു.