വിക്ടോറിയ ലില്ലി അലങ്കാര ജലസസ്യങ്ങളിലെ രാജ്ഞി

ഒരു ചെടി മതി, വലിയൊരു അലങ്കാരപ്പൊയ്കയുടെ ജലപ്പരപ്പ് നിറയ്ക്കാൻ

- ജേക്കബ് വർഗീസ് കുന്തറ ഫോൺ : 9447002211 Youtube Channel: JACOBINTE UDHYANAM

ഇഗ്ലണ്ടിലെ വിക്ടോറിയ രാജ്ഞിയുടെ പേരിലൊരു അലങ്കാര ജലസസ്യം. വലിയ പാത്രത്തിന്റെ ആകൃതിയിൽ ഇലകളും അവയ്ക്കിണങ്ങുന്ന പൂക്കളുമുള്ള വിക്ടോറിയ ലില്ലി പണ്ടുതന്നെ പാഠപുസ്തകങ്ങളിലും പൊതുവിജ്ഞാന ഗ്രന്ഥങ്ങളിലും സ്ഥാനം പിടിച്ചിരുന്നു. ആമ്പലും ന്യുഫർ ആമ്പലും മറ്റും ഉൾപ്പെടുന്ന കുടുംബത്തി ലെ അംഗമായ ഈ ജലസസ്യം തെക്കേ അമേരിക്കയിലെ ആമസോൺ നദീതടങ്ങളിലും ബൊളീവിയയിലുമൊക്കെയാണ് സ്വാഭാവികമായി കാണപ്പെടുന്നത്. ഇവിടങ്ങളിൽ കാണുന്ന ഇനങ്ങളുടെ ഇലകൾക്ക് ഒരു മനുഷ്യനു കയറി നിൽക്കാവുന്ന വിധത്തിൽ 3-4 മീറ്റർ വരെ ചുറ്റളവുണ്ടാകും. ഇവയിൽ കൃത്രിമ പരാഗണം നടത്തി വികസിപ്പിച്ചെടുത്ത നൂതന സങ്കരയിനങ്ങളാണ് ഇന്ന് നമ്മുടെ നാട്ടിൽ അലങ്കാര സസ്യമായി പ്രചാരത്തിലാകുന്നത്. വിക്ടോറിയ ലില്ലിയുടെ ഒരു ചെടി മതി, വലിയൊരു അലങ്കാരപ്പൊയ്കയുടെ ജലപ്പരപ്പ് നിറയ്ക്കാൻ.

നടാം സങ്കരയിനങ്ങൾ