దీపావళి పండుగ జరిగిందిలా...

లిటిల్ మ్యాడీ మంకీ స్కూల్ నుంచి ఇంటికి రాగానే "చాలా బాధగా కనిపించాడు. ఏం జరిగిందో అతని తల్లి పింకీకి అర్థం కాలేదు.

- కథ • డాక్టర్ కె.రాణి

లిటిల్ మ్యాడీ మంకీ స్కూల్ నుంచి ఇంటికి రాగానే "చాలా బాధగా కనిపించాడు. ఏం జరిగిందో అతని తల్లి పింకీకి అర్థం కాలేదు. పొద్దున్నే స్కూల్కి వెళ్తూ ఆనందంగా “మమ్మీ, సాయంత్రం మనం సిటీకి వెళ్లి షాపింగ్ చేద్దాం" అని చెప్పాడు.

అతను మౌనంగా ఉండడం చూసి “ఏమైంది మ్యాడీ, నీకు బాగోలేదా...?” అడిగింది పింకీ.

“బాగానే ఉన్నాను అమ్మా...” “త్వరగా చేతులు, ముఖం కడుక్కొని ఏదైనా తిను.

మనం సిటీకి వెళ్లాలి” “నాకు ఎక్కడికీ వెళ్లాలని లేదు అమ్మా...” "అకస్మాత్తుగా ఏమైంది? పిచ్చి పట్టిందా నీకు? దీపావళికింకా నాలుగు రోజులే ఉంది. పొద్దున టపాసులు కొనాలని చాలా తొందరపెట్టావు. ఏదైనా సమస్య ఉంటే చెప్పు. పరిష్కరించేందుకు ప్రయత్నిస్తాను" అతని తలను ప్రేమగా నిమురుతూ అడిగింది పింకీ.

అప్పుడు అతను ఆపుకోలేక “మమ్మీ ఈ రోజు స్కూల్లో సార్ దీపావళి రోజు టపాసులు పేల్చడం నిషేధించారని చెప్పారు" అన్నాడు.

“సంతోషంగా జరుపుకునే పండుగ ఇది. ప్రతి సంవత్సరం ఈ రోజున చాలా బాణసంచా కాల్చుతాము అనుకున్నాము కానీ, ఈసారి ఏమి జరిగిందో తెలియదు. కానీ పాఠశాలలో హెడ్డు మమ్మల్ని టపాసులు కాల్చవద్దని చెప్పాడు” “నన్నే కాదు స్కూల్లోని పిల్లలందరూ పెరుగుతున్న కాలుష్యాన్ని దృష్టిలో ఉంచుకుని బాణాసంచా కాల్చవద్దని టపాసులు కాల్చడాన్ని నిషేధించడంతోపాటు మార్కెట్లో తయారుచేసే మిఠాయిలు కొనడం కూడా మానేయాలని చెప్పాడు.

అంతేకాదు మాతో ప్రమాణం కూడా చేయించుకున్నాడు” ఇది విన్న పింకీ చాలా బాధపడింది. ఆమె తన కొడుకు మ్యాడీని ఎలాగైనా సంతోషంగా చూడాలని కోరుకుంది. కానీ సార్ ఆమె ఆనందానికి ముగింపు పలికాడు. స్కూల్లోని మిగతా పిల్లల పరిస్థితి కూడా అలాగే ఉంది.