ELEVATE

മിഡ്സ് എസ്യുവി വിപണിയിലേക്ക് ഹോണ്ടയുടെ എലിവേറ്റ് എത്തുന്നു.

- നോബിൾ എം. മാത്യു

ഇതാ വരുന്നു ഹോണ്ടയുടെ പുതിയ എസ്യുവി എന്നു കേൾക്കാൻ തുടങ്ങിയിട്ട് നാളേറെയായി. ഒടുവിൽ അതിനു തീരുമാനം ആയി. ഹോണ്ടയുടെ പുതിയ എസ്യുവി എത്തുകയാണ്. ഇന്ത്യൻ വാഹന വിപണിയിൽ നിന്നു ഹോണ്ട പിൻവാങ്ങുമോ എന്ന ആശങ്കകൾക്കിടയിലാണ് പുതിയ എസ്യുവിയുടെ വേൾഡ് പ്രീമിയർ ഇന്ത്യയിൽ നടത്തി ഹോണ്ട ഞെട്ടിച്ചത്. എലിവേറ്റിന്റെ ഇലക്ട്രിക് പതിപ്പടക്കം 2030 ഓടെ അഞ്ച് എസ്യുവികൾ കൂടി ഇന്ത്യൻ നിരത്തിൽ അവതരിപ്പിക്കാനാണ് ഹോണ്ടയുടെ പദ്ധതി.

എതിരാളികൾ

കിയ സെൽറ്റോസ് ഹ്യുണ്ടേയ് ക്രേറ്റ, സ്കോഡ കുഷാക്ക്, ഫോക്സ്വാഗൻ ടൈഗുൺ, എംജി ആർ, മാരുതി ഗ്രാൻഡ് വിറ്റാര, ടൊയോ ഹൈറൈഡർ എന്നിവരടങ്ങുന്ന മിഡ്സ് എസ്യുവി സെഗ്മെന്റിലേക്കാണ് ഹോണ്ട എലിവേറ്റ് എത്തിയിരിക്കുന്നത്.

ലോഞ്ച്

ഫെസ്റ്റിവൽ സീസണായ ഒക്ടോബർ നവംബർ മാസങ്ങളിലായിരിക്കും ലോഞ്ച് എന്നാണു കമ്പനിയുടെ അറിയിപ്പ്. ബുക്കിങ് ജൂലൈയിൽ ആരംഭിക്കും. നിലവിൽ സിറ്റി, അമേസ് എന്നീ രണ്ടു മോഡലുകളേ ഹോണ്ടയ്ക്ക് ഇന്ത്യൻ വിപണിയിലുള്ളൂ. നാലാം തലമുറ സിറ്റിയും ഡബ്ല്യുആർവി ക്രോസോവറും പ്രീമിയം ഹാച്ച്ബാക്ക് ജാസും വിപണിയിൽ നിന്നു പിൻവലിച്ചിരുന്നു.

ഡിസൈൻ