ITALIAN STAR

650 സിസി സ്ക്രാംബ്ലർ വിഭാഗത്തിലേക്ക് ഒരു കിടിലൻ ബൈക്ക്

- പ്രവീൺ 

ആറര എന്ന് ഇറ്റാലിയൻ ഭാഷയിൽ പറയുന്നതാണ് സിയേമേസോ, മോട്ടോ മോറിനി എന്ന ഇറ്റാലിയൻ കമ്പനിയുടെ 650 സിസി സ്ക്രാംബ്ലർ ബൈക്കിന് ഇതേ കൗതുകമുള്ള പേരാണ് (പീസ എന്നെഴുതി പീറ്റ്സാ എന്നുച്ചരിക്കും പോലെ സിയേമേറ്റ്സോ എന്നാണു പറയേണ്ടത്). പൊതുവേ ഇറ്റലി ശില്പവൈദഗ്ധ്യമുള്ളവരുടെ നാടായിട്ടാണ് അറിയപ്പെടുന്നത്. രൂപഭംഗിക്ക് വലിയ പ്രാധാന്യം നൽകുന്ന രാജ്യം. വാഹനങ്ങളുടെ കാര്യത്തിലും ഇതേ രീതിയാണു പിന്തുടരുന്നത്. മോട്ടോ മോറിനിയുടെ സിയേമേസോ 650 സ്ക്രാംബ്ലർ ഡിസൈൻ ഭംഗിയിൽ മുന്നിലാണ്. പെർഫോമൻസിലും.

1937 ൽ ആരംഭിച്ച ഇറ്റാലിയൻ കമ്പനിയുടെ ഇപ്പോഴത്തെ ഉടമ ചൈനീസ് കമ്പനിയായ ഗീലിയാണ് (വോൾവോ, ബെനല്ലി എന്നിവ ഈ ഗ്രൂപ്പിലാണ്).

രൂപകൽപന

വലിയ എൻജിനെ ചുറ്റിപ്പറ്റി നിർമിച്ച ഒരു സുന്ദരൻ സ്ക്രാംബ്ലർ. പൂർണ മായും ഇറക്കുമതി ചെയ്യുന്ന മോഡലുകൾ കാഴ്ചയിൽ ആരെയും വീഴ്ത്തും.

ഗോൾഡൻ അഡ് ഡൗൺ ഫോർക്കും എൽഇഡി വട്ടക്കണ്ണും കരുത്തിന്റെ പ്രതീകങ്ങൾ. സിയേമേസോയുടെ പ്രീമിയം ബിൽഡ് ക്വാളിറ്റിക്കും ഇവ ഉദാഹരണങ്ങൾ. മുൻവശം ഏതാണ്ടു നഗ്നം. ഹെഡ്ലാംപിനോടു ചേർന്ന്, പക്ഷിച്ചുണ്ടുപോലെ തോന്നിപ്പിക്കുന്ന ചെറിയ മഡ്ഗാർഡിന്റെ സാന്നിധ്യം അങ്ങനെ പെട്ടെന്ന് അറിയില്ല. അതിനാൽ ടയർ മുഴുവനായി കാണാം. രണ്ടു ടയറുകളിലെയും മഡ്ഗാർഡുകൾ ചെളി തെറിക്കുന്നതു തടയാൻ പ്രാപ്തമല്ല (ഇവ സിയേമേസോ ബൈക്കിന്റെ ഡിസൈനിനോടു ചേർന്നുനിൽക്കുന്നു. സ്ക്രാംബ്ലർ മോഡലിന്റെ തനിമ നിലനിർത്തുന്നവയുമാണ്.

5 ഇഞ്ച് കളർ സ്ക്രീനിൽ ടയർ പ്രഷർ അളവുകൾ കാണാം