FAST & FEARLESS

അക്ഷരാർഥത്തിൽ സ്പോർട്സ് കാർ പെർഫോമൻസ് നൽകുന്ന ഇലക്ട്രിക് എസ്യുവിയാണ് എക്സ്യുവി 400.

- പ്രവീൺ

ഫിയർലെസ് എന്നാണ് എക്സ്യുവി 400 യുടെ ഒരു ഡ്രൈവ് മോഡിന്റെ പേര്. സത്യത്തിൽ പേടി വരുമോ അത്യുത്സാഹം തോന്നുമോ ഈ മോഡിൽ എക്സ്യുവി 400 യെ ഓടിക്കുമ്പോൾ? സ്പോർട്ടി പെർഫോമൻസ് അനുഭവിച്ചൊരു യാത്ര

 ഇന്ത്യൻ വിപണിയിൽ ഇലക്ട്രിക് കാറുകളുമായി ഇന്ത്യൻ കമ്പനികൾ തന്നെ മുന്നേറുന്നതു കാണാൻ രസമുണ്ട്. ടാറ്റയാണു ജേതാവ്. പിന്നാലെ അതിവിപുലമായ ഇലക്ട്രിക് റേഞ്ച് പദ്ധതികളുമായി മഹീന്ദ്രയുമുണ്ട്. ഇ2ഒ എന്ന ചെറിയ കാറുമായി ബാറ്ററി വാഹനരംഗത്ത് മുൻപേ പറന്ന പക്ഷിയാണു മഹീന്ദ്ര എന്ന് എല്ലാവർക്കുമറിയാം. മഹീന്ദ്രയുടെ ഏറ്റവും പുതിയ താരമാണ് എക്സ്യുവി 400. സാങ്യോങ് ടിവോലിയെ എക്സ്യുവി 300 ആക്കി. ഇപ്പോൾ ഇലക്ട്രിക് ഹൃദയം ഉള്ളിലേന്തുമ്പോൾ 300 എന്ന പേരിന് സ്ഥാനക്കയറ്റമായി, അതു 400 എന്നായി മാറി.

സൂപ്പർ ഡ്രൈവിങ് എക്സ്പീരിയൻസ് നൽകുന്നൊരു ഇവിയാണ് എക്സ്യുവി 400. പൂർണമായും ഇവി ആയിത്തന്നെ ഡിസൈൻ ചെയ്ത ഒരു നിര വാഹനങ്ങൾ മഹീന്ദ്രയിൽ നിന്നിറങ്ങും മുൻപ് ടാറ്റ നെക്സോണിനൊരു വെല്ലുവിളി ഉയർത്തിയാണ് എക്സ്യുവി 400 എത്തിയത്. മഹീന്ദ്രയുടെ ആദ്യ ഇലക്ട്രിക് എവിയെ വിശദമായി പരിചയപ്പെടാം.

എക്സ്റ്റീരിയർ

മഹീന്ദ്രയുടെ ആദ്യ ഇലക്ട്രിക് എവി, ട്വിൻ പീക്സ് ലോഗോ അണിയുന്ന ആദ്യ ഇവി എന്നിങ്ങനെ വിശേഷങ്ങളേറെയുണ്ട് 400 യ്ക്ക്.