முள்ளெல்லாம் மலராகும் கல்லெல்லாம் கனியாகும்

பன்னிரெண்டு ஆண்டுகளுக்கு முன், சுபத்ரா கிருஷ்ணனுக்கு அன்புக் கணவர்...இனிய இல்லறம்... அதன் பயனாக ஒரு அன்பு மகன் என்று அமைய, சுபத்ரா நல்லதொரு குடும்பத் தலைவியாக, இல்லத்தரசியாக வாழ்ந்து வந்தாள். கணவர் கோபால கிருஷ்ணன் பஸ் தொழில், விவசாயம் என பரபரத்துக் கொண்டிருக்க, சுபத்ரா குடும்பப் பொறுப்புகளைச் சுமந்து, வீடு மட்டும்தான் அவரது உலகம் என்பதாக அமைந்தது. 2008ல் அவரது கணவர் திடீரென மாரடைப்பினால் இயற்கை எய்த, ஏழு வயது மகனுடன் தனித்து நின்றாள் சுபத்ரா. இனி, நமது வாழ்க்கைப் பாதை நெடுகிலும் முள்ளும் கல்லும்தானோ? சட்டென ஒரு கணம் நிலை குலைந்து போனார் சுபத்ரா கிருஷ்ணன்.

- 

அது, அந்த ஒரு கணம்தான். தன்னைத் தானே தேற்றிக் கொண்டார் சுபத்ரா.

பஸ் தொழில், விவசாயம் என இனி விரிவாகத் தெரிந்து கொள்ள வேண்டும் ..... புரிந்து கொள்ள வேண்டும். முடியுமா? முடியும் என்ற நம்பிக்கையுடன் துணிந்து இறங்குகிறார் சுபத்ரா இரு தொழில்களிலும்.