Wild&Jag; / Game&Hunt; - October 2017

في هذا العدد

DIE LENTE BRING VERNUWING Met die verandering van seisoen na lente, wat vernuwing simboliseer, het ons tydskrif se grootte ook verander om by die internasionale standaard aan te pas. Wees egter gerus dat die inhoud en gehalte van die artikels, asook die papier waarop dit gedruk word, onveranderd bly. Die sukses van die onlangse aanlynveiling van renosterhorings het die vraag na dié kommoditeit bevestig. Dit bewys ook dat die renosters die wenners is in hierdie proses, veral as ’n mens in ag neem dat daar reeds meer as 100 000 van hierdie diere gestroop is sedert die verbod op internasionale handel in renosterhoring in werking getree het. Stefan Fouché deel op bl 18–23 sy ervaring van die jag van onder andere ’n rooiribbok, rooibok, springbok, bontebok en swartwitpens langs die Oranjerivier in die Noord-Kaap. Volgens Jokl le Roux is jag ’n fyn kombinasie van kennis en tegniek. Lees meer hieroor in “Jagwyses en -wenke” op bl 40–41. Die wildveilingseisoen vir 2017 nader stadig sy einde, en met die toename in die getal diere wat verhandel word, asook die aantal veilings, is die vraag of dit volhoubaar is. Dr Flippie Cloete ontleed op bl 84–85 die veilingsprystendense en die invloed daarvan op wildpryse. Lees ook op bl 98–100 oor ’n besonderse familieonderneming met twee Pieters aan die stuur in “In Gesprek Met”. Met 240 artikels wat die afgelope 23 jaar in WILD & JAG verskyn het uit die pen van dr Pieter van der Walt, skryf hy vandeesmaand oor hoe die wildboer en jagter daarby kan baat om plantkarakters van belang te eien (bl 102–104). Lekker lees!