1 ივნისი ბავშვთა დაცვის საერთაშორისო დღეა და ჩვენც, ყველა მშობელს, ბავშვსა თუ თითოეულ ადამიანს, რომელმაც ცხოვრება მომავალი თაობის აღზრდას დაუკავშირა, ვულოცავთ ამ დღეს! ბედნიერებას, ჯანმრთელობას, კეთილდღეობასა და მშვიდობას ვუსურვებთ. HELLO!-ს რედაქცია კი ქართველი დედებისა და შვილების მხიარულსა და ემოციურ ფოტოსესიას წარმოგიდგენთ. ბავშვთა დღისა და შეიძლება ითქვას, თვის გათვალისწინებით, სამეფო ოჯახის ახალ წევრს, პრინც ჰარისა და მეგანის პირველ შვილს − არჩისაც გაგაცნობთ.

October-November issue

ჩვენ ყოველთვის განსაკუთრებულ ადგილს ვუთმობთ ქართველ ხელოვანებს და ამჯერადაც გამოგზაურებთ ნანი ბრეგვაძის, ეთერ ჭკადუასა და აჩიკო მეფარიძის ისტორიებითა და ხელოვნების ნიმუშებით სავსე სახლებში.
ვინაიდან ამ სეზონზე მეტად აქტუალურია ღვინო, ცხადია, რომ HELLO!-ს ამ საშემოდგომო ნომერშიც გთავაზობთ ბლოკს ღვინოზე. ჩვენი სტუმარია პრინცი იოანე ბაგრატიონი, რომელიც გვიყვება თავის ახალ ღვინის ბრენდზე.

ამ გამოცემაში იხილავთ ნანკა კალატოზიშვილი და ნინი
ბადურაშვილი შვილებთან ერთად, რუბრიკაში BACK TO
SCHOOL.
ასევე, პიანისტი და ტელეწამყვანი დავით ალადაშვილი
მოგიყვებათ თავისი საქმიანობის შესახებ.
ცნობილი ქართველი მოდელი თაკო ნაცვლიშვილი კი
ფიტნესკლუბ „ოკტოპუსში“ ვარჯიშისას გაგიმხელთ თავისი
იდეალური ფორმების საიდუმლოს.

HELLO!-ს აგვისტოს ნომრის სტუმრები ულამაზესი და უნიჭიერესი ხელოვანი ქალბატონები − მსახიობი ნინო კასრაძე და მომღერალი სოფო ნიჟარაძე არიან. ასევე გთავაზობთ ექსკლუზიურ ფოტოსესიას და ინტერვიუს ტელეწამყვან ნუკი კოშკელიშვილთან, თავის უმშვენიერეს ოჯახთან ერთად.

ივლისის ნომერში ჩვენ გიყვებით ყველაფერზე, რაც ივნისის
განმავლობაში ირგვლივ ხდებოდა: მძიმე პოლიტიკური ფონი,
თანამედროვე ხელოვნების სიახლეები, ახალი ქართული კინო და
ტრადიციადქცეული მუსიკალური ფესტივალები.

მაისის თვეში HELLO!-ს მთავარი თემა ცნობილი ქართველი წყვილის − ნოე სულაბერიძისა და ჯანეტ ქერდიყოშვილის სიყვარულის ისტორია გახდა. თურქეთის მზიან სანაპიროზე ულამაზესი წყვილი ჩვენი ფოტოგრაფის ობიექტივში მოხვდა, ემოციურ კადრებს კი ექსკლუზიურად თქვენი საყვარელი ჟურნალდან გაეცნობით.

HELLO!-ს აპრილის ნომრის მთავარი გმირი წარმატებული ქართველი მოდელი თათია ახალაიაა − წარმატების კვალდაკვალ ის საკუთარ ბავშვობაზე, ახდენილ ოცნებებსა და სიყვარულზე გვესაუბრა. ჩვენს რედაქციას არც ქართველი მომღერლის წარმატება გამორჩენია და ნუცა ბუზალაძეს სადებიუტო ალბომზე, ახალ კლიპსა და პირად ცხოვრებაზე სასაუბროდ ესტუმრა.

მარტის ნომერი ძლიერ და წარმატებულ ქალებს ეძღვნებათ. შესაძლოა ბევრმა თქვენგანმა არც იცოდეს, რომ 8 მარტის აღნიშვნას საფუძველი აშშ-ში ჩაეყარა, ქალების ეკონომიკური, სოციალური თუ პოლიტიკური მიღწევების აღსანიშნავად. მას შემდეგ კი 100 წელზე მეტი გავიდა, თუმცა ქალთა უფლებების დაცვა და გამყარება დღესაც აქტუალური თემაა.

ნინი გოგიჩაიშვილს „მის საქართველოს“ სტატუსი მიანიჭეს. რა იმალება მომღიმარ სახესა და ლამაზ კაბებს მიღმა, როგორი გეგმები აქვს უახლოესი თვეების განმავლობაში ლამაზმანს და რა არ იცით 2018 წლის „მის საქართველოს“ შესახებ? − ამას HELLO!-ს ექსკლუზიურ ინტერვიუში შეიტყობთ და ულამაზესი ფოტოსესიის შედეგსაც დაათვალიერებთ.

იანვრის ნომრის მთავარი სტუმარი პროექტის „ცეკვავენ ვარსკვლავები“ ერთ-ერთი ფავორიტი ირინკა კავსაძეა. ულამაზესი მსახიობი HELLO!-ს საახალწლო ისტორიის TOY STORY მთავარი გმირი გახდა. ლადო ხინჩეგაშვილი − ეს სახელი და გვარი დღეს სრულიად მსოფლიოს სპორტის სამყარომ იცის. თავისუფალი სტილით ჭიდაობაში ოლიმპიური და მსოფლიო ჩემპიონი ახლა საქართველოს პირველობისთვის და ტოკიოს 2020 წლის ზაფხულის ოლიმპიური თამაშების ლიცენზიის მოსაპოვებლად ემზადება. 

ჟურნალის მთავარი თემა ბოლო დროის ერთ-ერთი ყველაზე წარმატებული ფეხბურთელია. HELLO!-ს დეკემბრის ნომრის მთავარი სტუმარი გურამ კაშიაა. ქართველი მცველი სპორტულ კარიერაზე, ოჯახსა და სამომავლო გეგმებზე გულახდილად გვესაუბრა. 

ჟურნალის ერთ-ერთ, მთავარი გმირი ახალგაზრდა მუსიკოსი — SOPHIE VILLY გახლავთ. სოფი HELLO!-ს ფსევდონიმზე, სამომავლო გეგმებსა და უცხოურ წარმატებაზე ესაუბრა. შემოდგომის ბოლო ნომერში ახალგაზრდა ქართველ დიზაინერს — ბესო თურაზაშვილს გაგაცნობთ, რომელიც თანამედროვე ხელოვნებითა და მუსიკით გადმოცემულ მოდას ქმნის. 
HELLO! მოქანდაკე მამისა და დიზაინერი ქალიშვილის შესახებაც მოგიყვებათ. თენგიზ და ნინო სეფიაშვილების გასაოცარ სამყაროში ჩვენთან ერთად იმოგზაურებთ და გაიგებთ, როგორია ორი ხელოვანის თანაცხოვრება, მიზნები და ინსპირაციის წყარო. ჟურნალის მეორე ნახევარი, ტრადიციულად, რუბრიკა LIFESTYLE-ს ეთმობა, სადაც დიდ ნაწილს თბილისის მოდის კვირეული მოიცავს. 

ოქტომბრის ნომერში მკითხველი ცნობილი ადამიანების ქორწილების ექსკლუზიურ დეტალებს შეიტყობს, მათ შორის: ქართველი სპორტსმენის ლაშა ტალახაძის, მოდის ინდუსტრიის ბლოგერის კიარა ფერანისა და  ჰოლივუდელი მსახიობის ჰილარი სუონკის. 

ასევე ჟურნალის ერთ-ერთი სტუმარი ნათია თოდუაა, რომელიც ცნობილი the voice of germany-თ სულ ცოტა ხნის წინ გახდა, თუმცა უკვე ნამდვილად ვარსკვლავური კარიერა აქვს და თამამად შეიძლება ითქვას, რომ მისი სახელი და გვარი მთელი ევროპის მუსიკალურმა სამყარომ იცის.

არანაკლებად საინტერესოა lifestyle რუბრიკა, რომელიც სრულიად საქორწილო სამზადისს ეძღვნება.

სექტემბრის მთავარი თემა კალათბურთის სამყაროში საქართველოს ყველაზე კაშკაშა წარმომადგენელი − ზაზა ფაჩულია და მისი ოჯახი გახლავთ. NBA-ის ვარსკვლავი ჩვენს მკითხველს დეტროიტთან დაკავშირებულ გეგმებზე, ოჯახსა და 4 შვილის მამის სტატუსზე მეუღლესთან, თიკო ალავიძესთან ერთად ესაუბრება. 

საშემოდგომო გამოცემა უცხოური ექსკლუზივებითაც გამოირჩევა. მადონა 60 წლისაა, ჩვენ კი პოპის დედოფლის გულწრფელ, სკანდალურ და გამომწვევ ინტერვიუს გთავაზობთ, რომელშიც მუსიკოსი არაერთ საინტერესო თემას ეხება.

ჟურნალის მეორე ნახევარი ტრადიციულად რუბრიკას Lifestyle ეთმობა. ვინაიდან ყველა ახალი სეზონისთვის ვემზადებით, ტრენდებიც და თავის მოვლაც After Summer თემის ქვეშ გავაერთიანეთ. ასევე გაეცნობით Back to school-ტენდენციებს, რომელსაც საკმაოდ საინტერესო ფოტოსესია მივუძღვენით.

HELLO!-ს აგვისტოს ნომერიც ზაფხულში აქტუალური თემებით, ექსკლუზიური ინტერვიუებითა და საინტერესო ფოტოსესიებითაა სავსე. მთავარი ისტორიის გმირი კი მადრიდის რეალის კაპიტანი – სერხიო რამოსია, რომელმაც სულ ცოტა ხნის წინ საყვარელს ქალს ცოლობა შესთავაზა. სამეფო კლუბის ცენტრალური მცველისა და მისი რჩეულის, ულმაზესი პილარ რუბიოს შესახებ ექსკლუზიური მასალა მოგიმზადეთ, სადაც წყვილის ქორწილისა და ფეხბურთელის კარიერული გეგმების შესახებ არაერთ სიახლეს შეიტყობთ. 

ზაფხულის ბოლო ნომრის ერთ-ერთი მთავარი თემა ქართველი მორაგბისა და მოდელის სიყვარულის ისტორიაა. ლაშა ლომიძისა და ანა შელიას ქორწილის მასალა ექსკლუზიურად HELLO!-მ მოიპოვა. ახალგაზრდა წყვილმა ჯვარი ვიწრო, ოჯახურ წრეში დაიწერა, თუმცა რამდენიმე კვირაში გრანდიოზული ქორწილი გადაიხადა.

ივლისის ნომრის ერთ-ერთი მთავარი სტუმარი ულამაზესი მონიკა ბელუჩია. 53 წლის მსახიობი და მოდელი HELLO!-ს პირად ცხოვრებაზე, ყოფილ ქმარსა და ამჟამინდელ საქმიანობაზე ესაუბრება. ჩვენი ერთგული მკითხველი ლამაზმანის ექსკლუზიურ ფოტომასალასაც იხილავს. 

ივლისის ნომრის განსაკუთრებული თემა ლადო ჩიხლაძის ცხოვრებაა. როგორი იყო გზა ჩოგბურთის თამაშიდან დიდ ბიზნესამდე და რატომ გადმოვიდა საქართველოში საცხოვრებლად ქართულ-გერმანული ოჯახი? 

HELLO! განსაკუთრებით ამაყია, როდესაც ჩვენს ჟურნალს გამორჩეული ქალბატონები სტუმრობენ. სწორედ ასეთია ნათია ფანჯიკიძე, რომელმაც მისთვის ჩვეულ, გადატვირთულ გრაფიკში დრო გამონახა და ჟურნალის გადამღებ ჯგუფს ფსიქოლოგიაზე, ურთიერთობებზე, „კამარასა“ და შვილიშვილზე ესაუბრა.

ზაფხულის პირველი ნომერი ტრადიციულად მრავალფეროვანი და ექსკლუზიური მასალებითაა სავსე. ივნისის ნომრის მთავარი თემა ორი სამეფო ქორწილია. პრინც ხუან ბაგრატიონისა და ქრისტინა ძიძიგურის ქორწილის დეტალებს ჩვენი მკითხველი პირველი შეიტყობს. „ასორტის“ პომპეზური ტორტი, თვალისმომჭრელი სადედოფლო კაბა, მნიშვნელოვანი სტუმრების სია და ზღაპრული დღის highlight-ები ქართული HELLO!-ს ობიექტივში ექსკლუზიურად მოხვდა.

ბოლო თვეებია მთელი მსოფლიო საუბრობს, Hollywood-ელ მსახიობ მეგან მარკლისა და უელსის პრინცის ქორწილია. ლედი დიანას უმცროსი ვაჟის ამერიკელ მსახიობთან შეუღლებას თვალს ათასობით კამერა ადევნებდა, თუმცა HELLO!-მ მკითხველისთვის ექსკლუზიური მასალა მოამზადა. სამეფო ქორწილის ყველაზე მნიშვნელოვან მომენტებზე, სტუმრების კომენტარებსა და ინგლისის დედოფლის საჩუქარზე კვლავ ჩვენი საშუალებით შეიტყობთ.

გაზაფხულის ბოლო თვის ნომერი ექსკლუზიური ინტერვიუებით, საინტერესო ფოტოსესიებითა და ყველაზე სასარგებლო რჩევებითაა გაჯერებული. ჟურნალის ერთ-ერთი მთავარი თემა მსოფლიოს ყველაზე წარმატებული და ცნობილი წყვილია, რომელიც თანაცხოვრების 10 წლის იუბილეს აღნიშნავს. მათი ხმაურიანი ცხოვრება ყოველთვის მსოფლიო მედიის ეპიცენტრშია. ამჯერად Beyonce და Jay Z ოჯახური ღირებულებების, შვილებისა და კარიერის შესახებ ექსკლუზიურად HELLO!-ს მკითხველს ესაუბრებიან.

HELLO! ანჯელინა ჯოლის ექსკლუზიურ ინტერვიუს წარმოგიდგენთ. მსახიობი შვილებზე, ინგლისის დედოფალთან შეხვედრასა და დედასთან დაკავშირებულ მოგონებებზე გვიყვება. გარდა ამისა, გაგაცნობთ ამერიკელი მილიარდერის შვილთაშვილს – არიანა როკფელერს, რომელიც ოჯახურ ღირებულებებსა და ცნობილ დიდ ბაბუაზე საუბრობს. აპრილის ნომერში ცნობილი ქართველი მომღერლის – თამრიკო ჭოხონელიძისა და მისი ოჯახის ისტორიასაც ამოიკითხავთ. 

WOMEN IN POWER – ეს მარტის თვის ერთ-ერთი ყველაზე აქტუალური თემაა. მსოფლიო ტელეეკრანების დედოფალ ოპრა უინფრისთან ერთად, მკითხველი სტატიას ხატია ბუნიათიშვილის, ქეთი მელუას, ნანა ექვთიმიშვილისა და სოფო ჭყონიას შესახებ ამოიკითხავს. HELLO! იმ ქართველ ქალბატონებს შეგახსენებთ, ვისი დამსახურებითაც საქართველო მსოფლიო კულტურულ რუკაზე უფრო და უფრო „მუქად მოინიშნა“.

HELLO!-ს თებერვლის ნომერი სიყვარულით აღსავსე და ბევრი სხვა საინტერესო თემით იქნება გაჯერებული. წინ ვალენტინობის დღესასწაულია, ასე რომ ჩვენს ფურცლებზე არაერთი ცნობილი წყვილის ინტერვიუს ამოიკითხავთ. თითქმის ნახევარსაუკუნოვანი ანსამბლის, „ქართული ხმების“ მესამე თაობის წევრებს და მათ მეუღლეებს საინტერესო ფოტოსესიაში იხილავთ, რომლის გადასაღებ მოედნად მრავალსაუკუნოვანი ისტორიის მატარებელი „შატო მუხრანი“ შეირჩა. 
HELLO! საქართველოს ეროვნული ნაკრების მეკარის „თამაშგარე“ ცხოვრებაზე მოგიყვებათ. გიორგი ლორია მეუღლესთან ხუთწლიან თანაცხოვრებაზე საუბრობს. ასევე წაიკითხავთ სამხატვრო აკადემიაში დაწყებული ორი ხელოვანის სასიყვარულო თავგადასავლის შესახებ, რომლის მთავარი გმირები გია გუგუშვილი და ქეთი მატაბელი არიან. ეკრანზე ხშირად ვხედავთ, ასე რომ თებერვლის ნომერში აჩიკო სოლოღაშვილისა და ნუცა ქავთარაძის ეკრანს მიღმა ცხოვრებაში ჩაგახედებთ. გარდა ამისა, კიკბოქსინგში მსოფლიო ჩემპიონის – გიგა ჭიკაძის შესახებ მოგიყვებით, რომელიც მეუღლესთან, თამუნა გაზაშვილთან ერთად ორ შვილს ზრდის. სიყვარულისადმი მიძღვნილ ნომერში ოდრის გვერდს ვერ ავუვლიდით. ეკრანის დედოფალი, მოდის ფუძემდებელი და ბავშვების დამცველი HELLO!-ს თებერვლის ნომრის ერთ-ერთი მთავარი თემაა. ლეგენდარული მსახიობის გარდაცვალებიდან 25 წელი გავიდა.

HELLO!-ს საახალწლო ნომერში ცნობილი ქართული ტელე-სერიალის „ჩემი ცოლის დაქალების“ გმირებს მკითხველი ყველაზე გამორჩეულ ამპლუაში იხილავს. ამჯერად მსახიობებს პერსონაჟების როლი არ მოურგიათ და გლამურული ფოტოსესიის მონაწილეები გახდნენ. ასევე გაგაცნობთ ნათია თოდუას, The Voice of Germany-ის ქართველ გამარჯვებულს. 

 რაც შეეხება მსოფლიო ვარსკვლავებს, ჩვენი მთავარი თემა პრინცი ჰარისა და მეგან მარკლის მომავალი ქორწილი იქნება. მოგეხსენებათ, რომ ლედი დიანას უმცროსი ვაჟი ჰოლივუდელ ვარსკვლავზე დაინიშნა, ასე, რომ სამეფო ოჯახის მთავარი სიახლე HELLO!-ს გვერდებზეც მნიშვნელოვან ადგილს იკავებს.

დეკემბრის ნომრის მთავარი გმირი FIFA-ს „წლის ფეხბურთელის“ ტიტულის მფლობელი - კრიშტიანუ რონალდუ გახლავთ. პორტუგალიელი ვარსკვლავი საკმაოდ გულახდილ ინტერვიუში HELLO!-ს მამობის ბედნიერებასა და პროფესიულ სიახლეებზე ესაუბრება. 

MERCEDES-BENZ-ის თბილისის მოდის კვირეულის შემდეგ, ჩვენი ფურცლებიდან ცხადია საუკეთესო კოლექციებსა და პოდიუმზე შემჩნეულ იმ ტენდენციებს გაგაცნობთ, რომელთა ტარებასაც ქართველი დიზაინერები 2018 წლის გაზაფხული/ზაფხულისთვის გვირჩევენ. ასევე წარმოგიდგენთ იტერვიუს 4 ქართველ IT- გოგონასთან. ნინო ელიავა, ნინი ზარქუა, ლალო და ნინა დოლიძეები საკუთარ მოდურ ბრენდებზე, პერსონალურ სტილსა და საახალწლო სამზადისზე მოგიყვებიან.

HELLO!-ს ნოემბრის თვის გარეკანი, ჩვენთვის და სრულიად საქართველოსთვის განსაკუთრებულ ადამიანს მივუძღვენით.  ლიკა ქავჟარაძე – უკვდავი სილამაზის სევდიანი ამბავი.

ჩვენი ჟურნალის ერთ-ერთი მთავარი გმირი ჯენიფერ ლოპესი HELLO!- სთან საკმაოდ გულახდილ ინტერვიუში საკუთარ მიღწევებსა და სამომავლო გეგმებზე საუბრობს. 

ექვთიმე თაყაიშვილის შესახებ გადაღებული პირველი სრულმეტრაჟიანი ფილმის შესახებ, თავად მისი ავტორი – ნიკოლოზ ხომასურიძე გესაუბრებათ. რეჟისორი, რომელმაც ნამუშევარი ქართველი ხალხის დახმარებით შექმნა, საკუთარ გამოცდილებაზე, სამუშაო პროცესსა და უშუალოდ ფილმზე მოგვიყვება.

ჩვენი საშემოდგომო ნომრის მთავარი გმირი ყველასთვის საყვარელი ქართველი პიანისტი – ელისო ბოლქვაძე გახლავთ. მუსიკოს ქალბატონს ჩვენი გადამღები ჯგუფი ბათუმში ესტუმრა, შედეგად კი, ულამაზესი ფოტოსესია და საკმაოდ ვრცელი, გულახდილი ინტერვიუ მივიღეთ. 

ცხადია, შემოდგომა ღვინისა და რთველის გარეშე წარმოუდგენელია. სწორედ ამიტომ, ოქტომბერში, ამ ჯადოსნურ სითხეს მოდა, თავის მოვლა, მოგზაურობა და გასტრონომიაც მჭიდროდ უკავშირდება. ვფიქრობ, ჩვენი ჟურნალი თქვენთვის ამ კუთხითაც საკმაოდ საინტერესო და ამომწურავი გზამკვლევის როლს შეასრულებს. მაშ ასე, მოიმარჯვეთ ხელში ჭიქა საფერავი და შეუდექით HELLO!-ს ოქტომბრის ნომრის ფურცვლას, მე კი ნოემბრამდე დაგემშვიდობებით.

შემოდგომა საქორწილოდ იდეალური პერიოდია და სწორედ ამიტომ HELLO!-ს სექტემბრის ნომერი მომავალი პატარძლებისთვის ერთგვარი გზამკვლევის როლს შეასრულებს. ჩვენი ფურცლებიდან შეიტყობთ, როგორი სტილის სადედოფლო კაბებია მოდური, როგორ შეუხამოთ ამ ყველაფერს ტრენდული სამკაული და აქსესუარები, და როგორ აქციოთ ეს უბედნიერესი დღე კიდევ უფრო დაუვიწყარ მოგონებად.
ცხადია, საქორწილო ნომერი REAL LIFE პატარძლების გარეშე ვერ ჩაივლიდა. ჩვენი ჟურნალის მეშვეობით, იტალიელი სუპერმოდელის – ბიანკა ბალტის ქორწილის ექსკლუზიურ დეტალებს შეიტყობთ და ულამაზესი ფოტოებითაც დატკბებით.
ბიანკასთან ერთად, შეხვდებით ქართველ ვარსკვლავებსაც – ყველაზე სასურველ საპატარძლოებსა და სასიძოებს ჩვენი ფოტოსესიის ფარგლებში „შატო მუხრანი“ მასპინძლობს. ახალდაქორწინებული მოდელი ელენე მახარაშვილი კი სანაპიროზე გამართული ულამაზესი ცერემონიალის დეტალებს გაგვაცნობს.

აგვისტოს ნომერში განსაკუთრებულ ყურადღებას
დასვენებასა და საზაფხულო არდადეგებს დავუთმობთ. ჩვენი
ჟურნალის ფურცლებზე, სხვა უამრავ სიახლესთან და საინტერესო
ინფორმაციასთან ერთად, ქართველი ვარსკვლავების დასვენებისა და
მოგზაურობების შესახებაც წაიკითხავთ. ამ ნომერში ასევე შეხვდებით მეგაშოუს „ცეკვავენ ვარკვლავები“ გამარჯვებულს – გიორგი ბახუტაშვილს. 
ცხადია, LIFESTYLE-ის ბლოკშიც ყველაფერი დასვენებისა და საზღვაო სეზონის გარშემო ტრიალებს. თუ უახლოეს მომავალში შვებულებაში გასვლასა და საოცნებო კურორტზე გამგზავრებას გეგმავთ, მაშინ ჩვენ მიერ შედგენილი მოდური ტენდენციები აუცილებლად გამოგადგებათ – HELLO!-ს მოდის რედაქტორი გირჩევთ როგორ შეიმოსოთ სხვადასხვა სტილის ზღვისპირა წვეულებისთვის, ასევე გაგაცნობთ აგვისტოს ყველაზე მოდურ ტონალობას – ლაჟვარდისფერს. ცხადია, ჩვენი ყურადღების მიღმა არც სეზონის ერთ-ერთი ცხელი ტრენდი – ლოგომანია დარჩენილა.

ყველაზე ფერად, მხიარულ და ცხელ საზაფხულო HELLO!-ს წარმოგიდგენთ – ვარსკვლავების ცხოვრების ექსკლუზიური დეტალებით, მოდის, სილამაზისა და თავის მოვლის სიახლეებით, უამრავი საინტერესო რჩევითა და რეკომენდაციით.
ამ ნომრის მთავარი გმირი პოპულარული მსახიობი და უამრავი თინეიჯერისთვის განსაკუთრებულად საყვარელი ტელესახე – რუსკა მაყაშვილია. ახალგაზრდა მსახიობის ცხოვრებაში მნიშვნელოვანი სიახლეა – რუსკა ორსულადაა. 
ცხადია, LIFESTYLE-ის ბლოკი მთლიანად სეზონურ რჩევებსა და საზაფხულო გარდერობს ეძღვნება. მოდური საცურაო კოსტიუმები, STATEMENT აქსესუარები, სამკაულები და ჰაეროვანი კაბები ზღვისპირა წვეულებებისთვის – ჩვენი მოდის რედაქტორის მიერ შედგენილი SUMMER ტენდენციების ნაკრები თქვენთვის საზაფხულო გარდერობის იდეალური ინსპირაცია გახდება.

მეთერთმეტე ნომრის ექსკლუზიური სტუმარი იქნება გვანცა დარასელია, რომელიც მეორე შვილს პირველად სწორედ ჩვენს ჟურნალში გამოაჩენს. ასევე ჩვენს ფურცლებზე შეხვდებით A2K-ს – პირველ ქართველ DJ-ის, რომელიც ქართული კლუბური ცხოვრების თავისებურებებზე საუბრობს. გრძელდება მეგაშოუ „ცეკვავენ ვარსკვლავები“, რაც იმას ნიშნავს, რომ ყველაზე გამორჩეულ წყვილებს კვლავ ჩვენს ფურცლებზე იხილავთ.

LIFESTYLE-ის რუბრიკა ამ თვეში მთლიანად ეთმობა ECO-FRIENDLY ბრენდებსა და ჯანსაღი „სმუზების“ ფერებით ინსპირირებულ მოდურ ტონალობებს.

HELLO!-ს მაისის ნომრის გამოსვლა ემთხვევა ერთ-ერთი ყველაზე რეიტინგული მეგაშოუს - „ცეკვავენ ვარსკვლავები“ ახალი სეზონის დაწყებას. მსოფლიოში სუპერპოპულარული ტელეშოუ საქართველოში მეშვიდე სეზონითა და ჩვეული ხმაურით დაბრუნდა. შოუს მთავარ მონაწილეებთან ექსკლუზიური ინტერვიუები ჩავწერეთ და ლამაზი ფოტოებიც გადავიღეთ. 
HELLO!-ს ფურცლებზე შეგხვდებათ კახაბერიც – ყველასგან განსხვავებული და ორიგინალური ტანსაცმლის ხაზის ავტორი, რომელიც საკუთარ იდეებსა და გეგმებს გაგვიზიარებს. აქვე გაიცნობთ აბსოლუტურად გამორჩეულ, აქტიურ და ლამაზ ბებიებს – ნანა ნებიერიძე, სოფიკო ნარჩემაშვილი და ნუკა კაციტაძე საკუთარ გამოცდილებაზე მოგვიყვებიან, ათუკა ედიშერაშვილი კი ინფორმაციას ახალი ალბომის, პირადი ცხოვრებისა და სამომავლო მიზნების შესახებ გაგვანდობს.

October - November 2019

September 2019

August 2019

July 2019

June 2019

May 2019

April 2019

March 2019

February 2019

January 2019

December 2018

November 2018

October 2018

September 2018

August 2018

July 2018

HELLO! magazine offers you exclusive contents with high quality photos on a monthly basis. Each issue is rich mix of articles and interviews from Georgia and around the world. 

Download your favorite titles and read them offline, anytime and anywhere

Gift your loved ones with a Magzter Gift Card instantly and give them the freedom to read their favorite magazines and newspapers from thousands of best-selling titles.

Gift your loved ones with a Magzter Gift Card instantly and give them the freedom to read their favorite magazines from thousands of best-selling titles.

Gift your loved ones with a Magzter Gift Card instantly and give them the freedom to read their favorite magazines from {{magCount}} best-selling international titles.

Name

Please fill out this form if you need any help regarding publishing your content on Magzter

Since we launched, Magzter has been committed to partnering with global organizations to provide the greatest possible newsstand technology & service to our customers. Whether you are looking to offer magazine subscriptions to your customer database or just want to learn more, Magzter is committed to helping your business grow. To find out more, please fill out the questionnaire below:

Hello! Georgia - June 2019

Get Hello! Georgia along with 8,000+ other magazines & newspapers

Get Hello! Georgia

Magazine Description

In this issue