હૃદયની નસોમાં બ્લૉકેજ દૂર કરવાનો આ છે ક્રાન્તિકારી ઉપાય?

હૃદયની નસના બ્લૉકેજની સમસ્યા સામે વધુ સરળ અને લાંબા સમય સુધી અસરકારક રહેવાની શક્યતા ધરાવતી સારવાર પદ્ધતિ તરીકે લેસર એન્જિયોપ્લાસ્ટી થેરાપી લોકપ્રિયતા મેળવી રહી છે. શું છે આ પદ્ધતિ?

નાની ઉંમરે હાર્ટ અટેકના કિસ્સા એટલા વધી રહ્યા છે કે આજની તારીખે એ માનવઆરોગ્ય સામેના સૌથી મોટા જોખમની યાદીમાં આવી ગયા છે. હમણાં નવરાત્રિના ગાળામાં જ જુઓને કેટલા કિસ્સા એવા બન્યા, જેમાં ગરબા રમતાં રમતાં ખેલૈયાનું મોત થયું હોય.

ત્રણેક મહિના પહેલાંની વાત. મુંબઈનો એક યુવાન મેટ્રો ટ્રેનમાંથી બહાર નીકળ્યો અને અચાનક રસ્તા પર ઢળી પડ્યો. નસીબ સારાં કે થોડા લોકો એને હૉસ્પિટલમાં લઈ ગયા. નિદાન થયું: હૃદયની નળીમાં બ્લૉકૈજ છે! સામાન્ય રીતે આવા કેસમાં તબીબ બલૂન એન્જિયોપ્લાસ્ટી દ્વારા એ બ્લૉક દૂર કરે. જો કે આ યુવાનના કેસમાં તબીબોએ લેસર એન્જિયોપ્લાસ્ટીનો વિકલ્પ પસંદ કર્યો.

અત્યારે કોરોનરી લેસર એન્જિયોપ્લાસ્ટી એટલે કે લેસર થેરાપી ઘણી જ અત્યારે કોરોનરી લેસર એન્જિયોપ્લાસ્ટી એટલે કે લેસર થેરાપી ઘણી જ ચર્ચામાં છે. અત્યાર સુધી ભારતમાં લેસર થેરાપીની ચર્ચા અમુક વર્ષો સુધી જ સીમિત હતી, પણ હવે એને આર્થિક દૃષ્ટિએ સામાન્ય વર્ગના દરદીઓ માટે કેવી રીતે ઉપલબ્ધ કરાવી શકાય એ દિશામાં તબીબી વર્તુળોમાં ચર્ચા ચાલી રહી છે.