പ്രസവം കഴിഞ്ഞാൽ ഈ ചിട്ടകൾ പാലിക്കണോ?

ഒരു സ്ത്രീയുടെ ജീവിതമൂലധനമാണ് അവളുടെ ആരോഗ്യം. സ്ത്രീകളുടെ ആരോഗ്യസംബന്ധമായ സംശയങ്ങൾക്ക് ആധികാരികമായ മറുപടി നൽകുന്ന പംക്തി

-  ഡോ. റിങ്കു ജി.പ്രഫസർ, ഒബ്സ്റ്റട്രിക്സ് & ഗൈനക്കോളജി ഗവ.മെഡിക്കൽ കോളജ് കൊല്ലം

പ്രസവം കഴിഞ്ഞു വീട്ടിൽ വന്നതു മുതൽ ടിവി കാണരുത്. അധികം വെള്ളം കുടിക്കരുത് എന്നിങ്ങനെ നിബന്ധനകളാണ്. ഇതിലൊക്കെ എന്തങ്കിലും വസ്തുത ഉണ്ടോ? ശരണ്യ, മാവേലിക്കര

ടിവി കാണാനും മൊബൈൽ ഫോൺ ഉപയോഗിക്കാനും കംഫർട്ടബിൾ ആണെങ്കിൽ അതു ചെയ്യുന്നതിൽ ഒരു പ്രശ്നവുമില്ല. വെള്ളം കുടിച്ചേ മതിയാകൂ. ദിവസവും 600 മില്ലി മുലപ്പാൽ ഉൽപാദിപ്പിക്കേണ്ട സമയമാണ്. വെള്ളം കുറഞ്ഞാൽ മുലപ്പാൽ കുറയും. നിർജലീകരണം അമ്മയുടെ ആരോഗ്യത്തെയും ബാധിക്കാം. ഇനി പ്രസവശേഷമുള്ള വസ്തുതാപരമായ കാര്യങ്ങൾ പറയാം.

ആദ്യ ആറാഴ്ച കാലയളവിനെയാണു പൂർ പെരിയം (Puerperium) എന്നു പറയുന്നത്. പ്രസവാനന്തരം ശരീരവും മനസ്സും പൂർവസ്ഥിതിയിലേക്കു മടങ്ങാൻ എടുക്കുന്ന കാലയളവാണിത്.