അഭിനയമാണു ഭാഗ്യം

 'ആ റിവ്യൂ രീതികൾ ഒരു തരം ക്വട്ടേഷനാണ് മണിയൻപിള്ള രാജു പറയുന്നു

- വിജീഷ് ഗോപിനാഥ്

ഒരിക്കലും മറക്കാനാകാത്ത ഒരു കഥാപാത്രത്തെക്കുറിച്ചു പറയാമോ?
സ്നേഹ എം. വർഗീസ്, സെയിന്റ്ഗിറ്റ്സ് എൻജിനിയറിങ് കോളജ്, കോട്ടയം

കഴിഞ്ഞ 48 വർഷത്തിനിടയിൽ നാന്നൂറോളം സിനിമകളിൽ അഭിനയിച്ചു. ഓർമയിൽ തങ്ങിനിൽക്കുന്ന ഒരുപാടു കഥാപാത്രങ്ങൾ ഉണ്ട്. എങ്കിലും ലേബൽ ഉണ്ടാക്കി തന്ന സിനിമയാണു മണിയൻപിള്ള അഥവാ മണിയൻപിള്ള. ഏതു രാജു, നമ്മുടെ മണിയൻ പിള്ളയോ? ഇന്നും അങ്ങനെയാണ് പലരും ചോദിക്കുക. അതിന് അങ്ങേയറ്റം നന്ദിയുണ്ട്. അതുകൊണ്ടു തന്നെ ഒരിക്കലും മറക്കാത്ത കഥാപാത്രം ഏതെന്നു ചോദിച്ചാ മണിയൻപിള്ള എന്നല്ലാതെ വേറെ ഏതു പറഞ്ഞാലും നന്ദികേടാകും.

പുതിയ കാല റിവ്യൂ രീതികളെ നിർമാതാവ് എന്ന രീതിയിൽ എങ്ങനെ കാണുന്നു? പി.സി. ഷാജി, കോട്ടയം