എന്തിനു സഹിക്കണം വരൾച്ച

വരണ്ട ചർമത്തിന്റെ അസ്വസ്ഥതകളെല്ലാം സഹിച്ചു കഴിയേണ്ട ആവശ്യമില്ല. ചർമവരൾച്ച നിയന്ത്രിക്കാൻ പുതിയ ചില വഴികളുണ്ട്

- അമ്മു ജൊവാസ് 

"മുഖമെന്താ ഡൾ ആയിരിക്കുന്നത് ? 

 “എന്റേത് ഡ്രൈ സ്കിൻ ആണ്. മുഖത്ത് എണ്ണമയമില്ലാത്തതു കൊണ്ട് തിളക്കമുണ്ടാകില്ല. അതുകൊണ്ടാണ് ഡൾനെസ് തോന്നുന്നത്. '

 “ദേ, മുഖത്തും കഴുത്തിലും വെള്ളനിറത്തിൽ നേർത്ത പാട പോലെ...

"ചർമം വരണ്ടതായതുകൊണ്ടാണ്. കയ്യും കാലും ഇതിലും കഷ്ടമാണ്.

വരണ്ട ചർമമുള്ളവർ ഒന്നു മനസ്സു വച്ചാൽ ഇത്തരം ചോദ്യങ്ങൾ ആരിൽ നിന്നും കേൾക്കേണ്ടി വരില്ല. കൃത്യമായ പരിപാലനമാണു ചർമത്തിനു വേണ്ടത്. എന്തെല്ലാം കാര്യങ്ങൾ, ഏതൊക്കെ സമയത്തു ചെയ്താലാണു വരണ്ട ചർമം തൂവൽ പോലെ മൃദുലമാകുന്നതെന്ന് അറിഞ്ഞോളൂ.

ദിവസവും ചെയ്യേണ്ടത്

വരണ്ട ചർമക്കാരോടു പറയാനുള്ള ആദ്യ കാര്യം മോയിസ്ചറൈസർ കൃത്യമായി ഉപയോഗിക്കണം എന്നാതാ ണ്. ജലാംശം നിലനിർത്തിയാലേ ചർമത്തെ വരൾച്ചയിൽ നിന്നു സംരക്ഷിക്കാനാകൂ. ദിവസവും രണ്ടു നേരം മോയിസചറൈസർ നിർബന്ധമായും ഉപയോഗിക്കണം. വരൾച്ച അധികമാണെങ്കിൽ നാലോ അഞ്ചോ തവണ മോയിസ്റൈസർ പുരട്ടുക.

കുളി കഴിഞ്ഞുവന്ന് ഈർപ്പത്തോടെ മോയിസ്ചറൈസർ പുരട്ടണം. രാത്രിയിൽ കിടക്കും മുൻപ് കൈകാലുകൾ കഴുകിയശേഷം മോയിസ്ചറൈസർ പുരട്ടാം.

കുളിക്കുമ്പോൾ സോപ്പ് ഉപയോഗം കഴിയുന്നത് കുറയ്ക്കുക. സോപ്പിന്റെ അമിത ഉപയോഗം ചർമത്തിന്റെ സ്വാഭാവിക എണ്ണമയം നഷ്ടപ്പെടാനും ജലാംശം കുറയാനും കാരണമാകും. എന്നും രാവിലെ എണ്ണ കൊണ്ടു മുഖം മസാജ് ചെയ്യാം. മൂന്നാണു ഗുണം. മസാജ് ചെയ്യുമ്പോൾ ചർമത്തിലെ സെ ബേഷ്യസ് ഗ്രന്ഥികൾ ഉത്തേജിപ്പിക്കപ്പെടും. ഇതു ചർമ ത്തിലെ സ്വാഭാവിക എണ്ണമയം കൂട്ടും. വരണ്ട ചർമക്കാർ ക്ക് ചുളിവുകൾ വരാനുള്ള സാധ്യത കൂടുതലാണ്. ഓയിൽ മസാജിങ്ങിലൂടെ ചർമത്തിന്റെ യുവത്വം കാക്കാനാകുമെ ന്നതാണു രണ്ടാമത്തെ കാര്യം. വരൾച്ച അകറ്റിനിർത്താൻ എണ്ണ മികച്ചതാണ് എന്നതാണു മൂന്നാമത്തെ ഗുണം.

ചർമത്തിലെ ജലാംശം നിലനിർത്താൻ സഹായിക്കുന്ന ഹയലറൂണിക് ആസിഡ് അടങ്ങിയ സീറം അല്ലെങ്കിൽ മോയിസ്ചറൈസർ മുഖത്തു പുരട്ടാം.