നല്ല തീരുമാനങ്ങൾ

കഥാപാത്രത്തിന്റെ പ്രാധാന്യമല്ല, എനിക്കു ചേരുമോ എന്നാണു ശ്രദ്ധിക്കാറുള്ളത്

- വിജീഷ് ഗോപിനാഥ്

മുടിയുടെ രഹസ്യമെന്താണ്? കഥാപാത്രത്തിനായി മുടി മുറിക്കേണ്ടി വന്നാൽ ചെയ്യുമോ?
നൂർജഹാൻ, ചേലക്കര, തൃശൂർ

കുട്ടിക്കാലം മുതൽ നീളമുള്ള മുടി ഇഷ്ടമാണ്. സ്കൂൾ കാലത്തേ മുടി നീട്ടി വളർത്തിയിരുന്നു. ഇപ്പോൾ ഷൂട്ടിങ്ങിനായി പല സ്ഥലങ്ങളിലേക്കു പോകുമ്പോൾ വെള്ളം മാറുമ്പോഴൊക്കെ അതിന്റേതായിട്ടുള്ള ബുദ്ധിമുട്ടുകളും മുടി കൊഴിച്ചിലുമൊക്കെ ഉണ്ടാകാറുണ്ട്. എന്നാൽ വീട്ടിലുള്ള സമയത്തു നന്നായി ശ്രദ്ധിക്കും.

സിനിമയിലെ കഥാപാത്രത്തിനു വേണ്ടി മുടി മുറിക്കാൻ പറയുകയാണെങ്കിൽ ഞാൻ ചെയ്യില്ല. മുടി അത്രയ്ക്ക് ഇഷ്ടമാണ്. പലരും പറയാറുണ്ട് ഇങ്ങനെ കാണാനാണ് ഇഷ്ടമെന്ന്. എനിക്കും അങ്ങനെ തന്നെ. പിന്നെ, മുടി മുറിക്കുമോ എന്നു ചോദിച്ച് ഒരു കഥാപാത്രവും ഇതുവരെ എത്തിയിട്ടുമില്ല.

എന്തുകൊണ്ടാണ് അന്വഭാഷാ സിനിമകളിലേക്കു ശ്രദ്ധ കൊടുക്കാത്തത്? ശാലീന സുന്ദരി ഇമേജ് ഭാരമാണോ?
റൂഡി ജിജോ, തുണ്ടത്തിൽ, പാല