ലക്ഷം, ലക്ഷം പിന്നാലെ

ഹയ സിനിമയിലൂടെ മലയാളത്തിന് പുതിയ നായിക, ചൈതന്യ പ്രകാശ്

- അമ്മു ജൊവാസ് 

1.5 വർഷം, 1.5 മില്യൻ ഫോളോവേഴ്സ്

ഒൻപതാം ക്ലാസ്സിൽ പഠിക്കുമ്പോഴാണ് ആദ്യമായി മ്യൂസിക്കലി റീൽ ചെയ്യുന്നത്. പലരും റീൽ ചെയ്യുന്നതു കണ്ടപ്പോൾ രസത്തിനു ഞാനും കൂടി, അത്രയേ ഉള്ളൂ... ആ രസമിപ്പോൾ ഇൻസ്റ്റഗ്രാമിൽ 15 ലക്ഷം ഫോളോവേഴ്സിനെ നേടിത്തന്നു എന്നു പറയുമ്പോൾ അദ്ഭുതവും സന്തോഷവുമുണ്ട്. ഇൻസ്റ്റയിൽ സജീവമായി ഒന്നര വർഷത്തിനുള്ളിലാണ് ഈ നേട്ടം. അതിന്റെ സീക്രട്ട് എന്താണെന്നു ചോദിച്ചാൽ ഒരു മറുപടിയേ ഉള്ളൂ, "വലിയ ഇടവേളയില്ലാതെ കൃത്യമായി റീൽസ് ഇടും. പിന്നെ, മലയാളികളുടെ സ്നേഹവും ദൈവത്തിന്റെ അനുഗ്രഹവും.

"ഹയയിലെ ഹണിയായി

ഡോക്ടറാകണം എന്ന ആഗ്രഹം പത്താം ക്ലാസ് എത്തിയതോടെ അഭിനയത്തോടായി. റീൽസ്, മ്യൂസിക്കൽ വിഡിയോ, ടിവി പ്രോഗ്രാം. ഇതിനിടയിൽ സിനിമാ ഒഡി ഷൻസ്. ഒടുവിൽ കാത്തിരുന്ന പോലെ സിനിമയെത്തി.