കാറ്റ് വരും വഴിയേ

കുറഞ്ഞ ചെലവിൽ വീടിന് "റോയൽ ലുക്' നൽകാൻ തിരഞ്ഞെടുക്കാം ജാളികൾ

- 

ജാളിയിലൂടെ പാളിയെത്തുന്ന വെളിച്ചം മുറിക്കുള്ളിൽ തീർക്കുന്ന ചിത്രം കാണാൻ, തിരക്കിട്ടു ജോലി ചെയ്യുന്നതിനിടെ കവിളിൽ ഒന്നു തൊടാൻ കാറ്റിനെത്താൻ, വീട്ടകങ്ങളെ മുഴുവനായി മറയ്ക്കാത്ത മറയൊരുക്കാൻ പുത്തൻ വീടുകളിൽ ജാളിയെത്തുന്നത് പല ഇഷ്ടങ്ങളുടെ സാക്ഷാത്കാരമായാണ്.

പല ഡിസൈനിൽ, വലുപ്പത്തിൽ, നിറത്തിൽ, മെറ്റീരിയലിലെല്ലാം ജാളിയുണ്ട്. വീടിനോട് ചേരുംവിധം ഉപയോഗിച്ചാൽ മാത്രം മതി. ട്രോപ്പിക്കൽ ശൈലിയോട് ചേർന്നു നിൽക്കുന്ന കാംപെന്റെറി വീടുകളിൽ ജാളി പ്രിയപ്പെട്ട അംഗവുമാണ്. അറിയാം ജാളിയുടെ ജാലവിദ്യകൾ.

ജാളി എന്തിനെല്ലാം

വെയിലും ചൂടും അകത്തളത്തിലെത്തുന്നതിനെ ഒരു പരിധിവരെ തടയുകയും എന്നാൽ കാറ്റും വെളിച്ചവും കടത്തിവിടുകയും ചെയ്യും ജാളികൾ. ചുവർനിർമാണ രീതി തന്നെയാണ് ഇത്. കല്ല്, തടി, ഇഷ്ടിക, കോൺക്രീറ്റ് എന്നിവ കൊണ്ടെല്ലാം ജാളി രീതിയിലുള്ള ഭിത്തി നിർമിക്കാം. ടെറാക്കോട്ട, കോൺക്രീറ്റ്, സ്റ്റീൽ എന്നിവയുടെ റെഡിമെയ്ഡ് ജാളിയും ലഭ്യമാണ്.