കൈകോർത്ത് അഞ്ഞൂറുപേർ

സ്ത്രീകൾ ഒരുമിച്ചു ചേരുമ്പോൾ വിരിയുന്ന കുഞ്ഞു വിസ്മയങ്ങൾ, ആനന്ദങ്ങൾ. പെൺ കൂട്ടായ്മകളുടെ രസങ്ങൾ പങ്കുവയ്ക്കുന്ന പംക്തി

- 

കൊച്ചിയിൽ "ക്വീൻസ് ബിസിനസ് ഗ്ലോബലി' ന്റെ ആദ്യ ഒഫീഷ്യൽ മീറ്റും എക്സിബിഷനും നടന്ന ദിവസം. പങ്കെടുത്ത സംരംഭകർക്കെല്ലാം സർട്ടിഫിക്കറ്റ് നൽകിയിരുന്നു. എന്തോ കാരണം കൊണ്ട് ഒരു കുട്ടിക്കു മാത്രം കിട്ടാതെ പോയി. അയച്ചു കൊടുക്കാമെന്നു പറഞ്ഞെങ്കിലും അവളുടെ മുഖം തെളിഞ്ഞില്ല. “ചേച്ചീ, ഞാൻ ഇതുവരെ ഒരു സ്റ്റേജിൽ കയറിയിട്ടില്ല. ആരുടെയെങ്കിലും സർട്ടിഫിക്കറ്റ് വാങ്ങി എനിക്ക് സ്റ്റേജിൽ വച്ചു തരാമോ. ഞങ്ങളുടെ കണ്ണുനിറഞ്ഞ നിമിഷമായിരുന്നു അത്.'' ക്വീൻസ് ബിസിനസ് ഗ്ലോബലെന്ന ഫെയ്സ്ബുക് ബിസിനസ് കൂട്ടായ്മയുടെ അഡ്മിൻമാരിലൊരാളായ കൊടുങ്ങല്ലൂർ സ്വദേശി സന്ധ്യാ രാധാകൃഷ്ണൻ ഓർമിക്കുന്നു.