வரங்களை அள்ளித்தரும் லட்சுமி தேவி!

வாழ்க்கைக்குத் தேவையான அனைத்து வளங்களையும் வழங்கக்கூடிய திருமகளை எட்டுவித செல்வங்களின் அதிபதியாக அஷ்டலட்சுமியாக வழிபட்டு வருகிறோம். வரலட்சுமி விரத நாளில் லட்சுமி தேவியை பற்றி அறிந்து கொள்வோம்.

- 

ஆதிலட்சுமி

பாற்கடலைக் கடைந்த போது தோன்றியவள். என்றும் நிலைத்திருப்பவள். மஞ்சள் பட்டு அணிந்து அழகிய கிரீடத்துடன் காட்சியளிக்கும் தேவி, நான்கு கரங்கள் கொண்டவள். ஆதி என்பதற்கு 'முதல்' என்று பொருள். திருப்பாற்கடலை தேவர்களும் அசுரர்களும் கடைந்தபோது முதலில் நஞ்சு, பின் காமதேனு, சந்திரன் என தோன்றினார்கள். அப்போது தோன்றிய முதல் லட்சுமியே ஆதிலட்சுமி. ஒவ்வொரு லட்சுமிக்கும், பெயரைப் பொறுத்து குணங்கள் மாறுபடும். ஆதிலட்சுமி என்பவள் அனைத்திற்கும் சிறந்தவள் என்பதால், அனைத்து அபூர்வ மங்கள அம்சங்கள் கொண்டவள். அவளின் பொற்பாதங்கள் பற்றியவர்களுக்கு மங்களம் சிறக்கும். அவளை துதிக்க எக்காரியமும் தடை, தாமதம் இல்லாமல் நிச்சயமாக முழுவெற்றியுடன் அருள் புரிவாள்.

சந்தானலட்சுமி

சந்தானம் என்றால் மழலைச் செல்வம் என்று பொருள். ஒரு வம்சம் தழைத்து வளர மழலைச் செல்வம் இன்றியமையாதது. செல்வத்தில் சிறந்தது குழந்தைச் செல்வம். அத்தகைய மழலைச் செல்வத்தை வழங்குபவள், சந்தான லட்சுமி. ஆறு திருக்கரங்களுடன் தலையில் சடையுடன் குழந்தையை மடியில் இருத்தி காட்சி தருகிறாள்.

கஜலட்சுமி

ராஜலட்சுமி என்றும் அழைக்கப்படுகிறாள். 'கஜம்' என்றால் யானை. இருபுறமும் யானைகள் கலசம் ஏந்தித் திருமஞ்சனம் செய்வதுபோல் அமர்ந்திருப்பதால் கஜலட்சுமி என்று பெயர். கஜலட்சுமியை வழிபட்டால் வாழ்வில் எல்லா வித ஐஸ்வர்யங்களையும் பெறலாம்.

தனலட்சுமி

தனம் என்பது பணம் அல்லது தங்கத்தைக் குறிக்கும். பணம் சுக வாழ்விற்கு மிகவும் அவசியம். வைபவ லட்சுமி என்ற பெயர் கொண்டவள். திருக்கரங்களில் சங்கு, சக்கரம், பச்சிலை, கெண்டி, வில், அம்பு ஏந்தி காட்சியளிக்கும் தேவியை தரிசித்தால், செல்வத்தை அளித்து வளத்துடன் வாழ அருள்புரிவாள்.

தான்யலட்சுமி