இந்தியாவின் விந்தையான ரயில் நிலையங்கள்!

உலகின் மிகப்பெரிய ரயில்வே நெட்வொர்களில் ஒன்றாக இந்திய ரயில்வே விளங்கி வருகிறது. விந்தையான இந்திய ரயில் நிலையங்கள் பற்றிய சுவாரசயமான தகவல்கள்.

- திருமகன்

தென்னிந்தியாவின் முதல் ரயில் நிலையம் ராயபுரம் தான். இங்கிருந்துதான் தென்னிந்தியாவின் முதல் ரயில் தனது பயணத்தைத் தொடங்கியது.

இமாலய மலைத்தொடர்சியில் அமைந்துள்ள டார்ஜிலிங் நகர் அருகே அமைந்துள்ள கும் ரயில் நிலையம். இது இந்தியாவின் மிக உயரமான ரயில் நிலையம் என்ற சிறப்பையும் பெற்றுள்ளது. இங்கு ரயில்வே மியூசியம் ஒன்றும் அமையப்பெற்றுள்ளது.

கோவா மற்றும் கர்நாடக மாநில எல்லைகளுக்கு இடையில் மேற்குத்தொடர்ச்சி மலைப்பகுதியில் அமையப்பெற்றுள்ள ஒரு இயற்கை எழில்கொஞ்சும் ரயில்நிலையம் இது. இந்தியாவின் மிகச்சிறிய ரயில்நிலையங்களுள் ஒன்று தூத்சாகர் ரயில்நிலையம்.

மண்டோவி ஆற்றில் இருந்து உருவாகும் 100 அடி அகலமான தூத்சாகர் நீர்வீழ்ச்சி மற்றும் ஆற்றுப் பாலங்களுக்கு மத்தியில் இருக்கும் இந்த ரயில் நிலையத்தை ஷாருக் கான் நடித்த சென்னை எக்ஸ்பிரஸ் படத்தில் கூட காணலாம்.