இசைக்கு பாகுபாடு கிடையாது!

கர்நாடக இசைக் கலைஞர் டி.வி.ராம்பிரசாத்

- 

கர்நாடக சங்கீதத்தின் பாரம்பரியத்தைப் பேணிகாப்பவரும், இசைத் தொகுப்பாளரும், பெரியோர் - சிறியோரென பாகுபாடின்றி சங்கீதத்தை கற்றுக் கொடுப்பவரும், கடந்த 40 ஆண்டு காலமாக இசைத் துறையில் மேன்மையுடன் செயலாற்றி வருபவருமான கர்நாடக இசைக் கலைஞர் டி.வி. ராம்பிரசாத், பெண்மணிக்காக அளித்த பேட்டி:

தங்களது குடும்ப விபரங்கள் பற்றி...!

உடுப்பி அருகே மைநாடு என்னும் கிராமம் நான் பிறந்த ஊராகும். தந்தையார் மறைந்த வியாஸராவ். அவர்தான் என் சங்கீத பயிற்சிக்குத் தூண்டு கோலாக விளங்கியவர். தாயார் ருக்மணிராவ், பஜனைப் பாடல்களைப் பாடுவதில் வல்லவர். தினமும் நான் சாதகம் செய்வதை, உன்னிப்பாகக் கேட்பவர். எங்களது மகன் வளர்ந்து வரும் இசைக் கலைஞராகவும், மருமகள் மருத்துவராகவும் உள்ளனர். பிரதான சிஷ்யை டாக்டர் பிரதிஷா ராயை எங்கள் சொந்த மகளாக ஏற்றுக் கொண்டுள்ளோம்.

சங்கீதம் கற்க ஆரம்பித்தது மற்றும் அரங்கேற்றம் குறித்து ...?