മനക്കരുത്തും ആത്മവിശ്വാസവുമാകട്ടെ മുതൽക്കൂട്ടുകൾ

സംസ്ഥാന പുരസ്ക്കാര ജേതാവ്, മിനിസ്ക്രീൻ പ്രേക്ഷകരുടെ പ്രിയതാരം എന്നീ ലേബലുകളുമായി ബിഗ്ബോസ്സിലേക്ക് പ്രവേശിക്കുകയും 100 ദിനങ്ങൾ തികയ്ക്കുകയും ചെയ്ത ധന്യമേരി വർഗ്ഗീസ് ‘മഹിളാരത്നത്തിനോടൊപ്പം...

- പ്രതീഷ് ശേഖർ

അഭിനയരംഗത്തുനിന്നും ഷോയിലേക്ക് മാറി പങ്കെടുത്തപ്പോൾ ഉണ്ടായ അനുഭവങ്ങൾ ?

ഷോയിൽ പങ്കെടുത്തപ്പോൾ ഞാൻ പ്രത്യേകം ശ്രദ്ധിച്ചത് അഭിനയിക്കാതിരിക്കാനാണ്. ഞാൻ ഞാനായി തന്നെയാണ് ഷോയിൽ പങ്കെടുത്തത്. പൊതുവേ ഞാനൊരു വഴക്കാളി അല്ല. അധികമായി പ്രതികരണശേഷിയൊന്നുമില്ലാത്ത ഒരു സാധാരണ ആർട്ടിസ്റ്റ് ആണ് ഞാനെന്ന് അറിഞ്ഞു കൊണ്ടുതന്നെയാണവർ എന്നെ ആ പരിപാടിയിലേക്ക് ക്ഷണിക്കുന്നതും. ധന്യ എന്ന വ്യക്തിത്വം നിലനിർത്തി കൊണ്ടു തന്നെ നൂറു ദി നങ്ങൾ അവിടെ പൂർത്തിയാക്കാൻ സാധിച്ചതിൽ ഏറെ സംതൃപ്തിയുമുണ്ട്.

ബിഗ്ബോസിന് മുമ്പും പിമ്പും എന്താണ് ധന്യയുടെ ജീവിതത്തിലുണ്ടായ മാറ്റങ്ങൾ ?

കുറിച്ചു കൂടി ആളുകളിലേക്ക് എത്തിപ്പെടാൻ ബിഗ് ബോസ്സിലൂടെ സാധിച്ചിട്ടുണ്ട്. സീരിയലുകളിലെ കഥാപാത്രമല്ലാതെ എന്നെ പ്രേക്ഷകർക്ക് തിരിച്ചറിയാൻ ഇതൊരു വേദിയായി എന്നാണ് തോന്നിയിട്ടുള്ളത്.

ധന്യയെ പൊതുജനങ്ങളുമായി ബന്ധിപ്പിക്കുന്ന പ്രധാന കണ്ണി ഭർത്താവ് ജോൺ ആണന്നാണല്ലോ പറയപ്പെടുന്നത് ?