தக்காளியிலிருந்து உருவானதா உருளைக்கிழங்கு?

இந்தியாவில், 19 ஆம் நூற்றாண்டில் அறிமுகப்படுத்தப்பட்ட உருளைக்கிழங்கு, சமையலில் அதிகமாக பயன்படுத்தப்படுகிறது, மேலும் இது கார்போ ஹைட்ரேட்டுகள் மற்றும் பிற ஊட்டச்சத்துக்களின் ஆதாரமாக உள்ளது.

- -எஸ்.ரவீந்திரன்

இதில் வைட்டமின் சி, பொட்டாசியம் மற்றும் நார்ச்சத்து உள்ளது. மேலும் இதில் உள்ள ஆன்டிஆக்ஸிடன்ட்கள், புற்றுநோய் மற்றும் இதய நோய்களின் அபாயத்தைக் குறைக்க உதவும் என்று கருதப்படுகிறது. இதிலிருக்கும் நார்ச்சத்து, செரிமானத்திற்கு உதவுகிறது, மலச்சிக்கலை தடுக்கிறது.

இந்த நிலையில்தான் உருளைக்கிழங்கு குறித்த வியப்பான தகவல் வெளியாகி இருக்கிறது. அதாவது, உருளைக் கிழங்கு தக்காளியில் இருந்துதான் உருவானதாக இப்போது ஒரு ஆய்வு கூறுகிறது.

பொதுவாக இயற்கை படைத்த பல உயிரினங்கள் தற்போது கலப்பினம், திசு வளர்ப்பு போன்ற செயற்கை முறைகளில் உருவாக்கி வேளாண் நிபுணர்கள் சாதித்து வருகிறார்கள். இப்படி செய்ய காரணம் கூடுதல் மகசூல், விலை குறைவு, சுவை என கூறப்படுகிறது.