அதிக நேர வேலை... பறிபோகும் தூக்கத்தால் பாதிக்கும் மனநலம்!

இன்றுள்ள பரபரப்பான உலகில் நேரம், காலம் என்பதை மறந்து வேலை வேலை என ஓட வேண்டிய நிலைமை. இதனால் பலரும் தங்கள் உடல் நலத்தில் கவனம் செலுத்த முடியாத சூழலுக்கு தள்ளப்பட்டு வருகின்றனர்.

- எஸ். ரவீந்திரன்

இந்நிலையில் சமீபத்தில் லார்சன் - டூப்ரோ தலைவர் எஸ்.என். சுப்ரமணியன், போட்டித் தன்மையைட் பராமரிக்க ஊழியர்கள் ஞாயிற்றுக் கிழமைகள் உட்பட வாரத்திற்கு 90 மணிநேரம் வரை வேலை செய்ய வேண்டும் என்று கூறி விவாதத்தை மீண்டும் தூண்டிவிட்டார்.

இதற்கு முன்பு இன்போசிஸ் இணை நிறுவனர் என்.ஆர்.நாராயண மூர்த்தி மற்றும் ஷாடி.காம் தலைமை நிர்வாக அதிகாரி மற்றும் ஷார்க் டேங்க் இந்தியா தலைவர்அனுபம் மிட்டல் உள்ளிட்ட பல இந்திய வணிகத் தலைவர்களும் இதே கருத்துக்களை எதிரொலித்துள்ளனர்.

இந்த நிலையில் அதிக நேரம் வேலை செய்பவர்கள் நாடுகளில் முதல் 10 நாடுகள் பட்டியலை சர்வதேச தொழிலாளர் அமைப்பு வெளியிட்டது. அதில் முதலிடம் பெற்றுள்ள பூட்டானில் உள்ள ஊழியர்கள் வாரத்திற்கு சுமார் 54.4 மணிநேரம் வேலை செய்கிறார்கள்.