யோகா சாமியார் லீலைகள்!

பாலியல் சாமியாராக சமீபத்தில் நித்தியானந்தாவைத்தான் நமக்கு தெரியும். ஆனால், பல நூறு நித்தியானந்தாக்களை தூக்கிச்சாப்பிடும் வகையில் ரோமானியாவை சேர்ந்த பிலோவாரு களத்தில் உள்ளார். யோகாவுடன் செக்ஸ் கலந்து ஆன்மீகம் என்னும் போதையாக கொடுப்பவர் கிறிகோரியன் பிலோவாரு.

- பரிதி

இவரை பற்றி அறிந்து கொள்வதற்கு முன் சிறிய பிளாஷ்பேக்.

கடந்த 2010 வாக்கில், சென்னை தேனாம்பேட்டையில் ஒரு வாடகை வீட்டில் நூற்றுக்கும் மேற்பட்ட வாலிப, வயோதிப அன்பர்கள் பெண்களுடன் சேர்ந்து யோகாவும் ஆன்மீகமும் கலக்கலாக கற்றார்கள்.

ஒருநாள் யோகா பயிற்சி மையத்தில் ஆபாச சிடிக்கள் சிக்கியதையடுத்து, வெளிநாட்டை சேர்ந்த 7 பேர் தலைமறைவாகி விட்டனர். இந்த மையத்தில் பயிற்சி அளித்த 7 பேரும் தனித்தனியாக வெப்சைட் வைத்து அதன்மூலம் விளம்பரப்படுத்தி மையத்துக்கு வாடிக்கையாளர்களை இழுத்திருக்கிறார்கள். செக்ஸ் கலந்த யோகா பயிற்சிக்கு 'தாந்திர கிளவ்' என்று பெயரிடப்பட்டுள்ளது. 12 மாதங்கள் பயிற்சி எடுத்த பிறகுதான் 'தாந்திர கிளவ்' யோகா கற்றுத் தருவார்களாம். அதுவும் நீலாங்கரை மையத்தில்தான் சொல்லித் தரப்படும் என போலீசார் அப்போது நடத்திய விசாரணையில் தெரியவந்தது.