காதல் பற்றி...கமல், ஸ்ரீபிரியா!

பிப்ரவரி 14 காதலர் தினம்... இன்றைய டிஜிட்டல் யுக காதல், முந்தைய தலைமுறையினர் புரிந்து கொள்ள முடியாத ரகம் என்பது ஒருபுறமிருக்க, காதல் என்பது பண்டைய காலம் முதல் தொன்று தொட்டு உறவாடி வரும் உணர்வுதான்.

- 

இந்த காதல் பற்றி 1980களில் இளசுகளாக இருந்த பிரபல நட்சத்திரங்கள் அப்போது எப்படி வெளிப்படுத்தினார்கள் என்பது இத்தலைமுறை வாசகர்களுக்காக.

காதலில்தான் உண்மையான சோசலிசம் ஏற்படுகிறது என்பது என்னுடைய கருத்து என்கிறார் கமல்.

தாஜ்மகால் கட்டியவனாக இருந்தாலும் சரி அல்லது 'சிங்கிள்' சாயாவுக்கு கூட 'வக்கு' இல்லாதவனாக இருந்தாலும் காதல் வர 'தடை' இல்லை.

'காதல்' பற்றி ஒரு கவிஞன் சொன்ன கருத்து என் நினைவுக்கு வருகிறது.

நீர்த்துளிகளினால் வானத்தில் ஏற்படும் வானவில் மறையும் தன்மையுடையது. ஆனால் காதல் என்பது கண்ணீர்த் துளிகளினால் ஏற்படும் வானவில் வாழ்க்கையில் இது ஒருமுறை ஏற்படும் வானவில். வாழ்க்கையில் இது ஒருமுறை ஏற்பட்டு விட்டால் ஒருநாளும் அழிவதில்லை!

அப்படியானால் சிலரது காதல் தோல்வி அடைவது ஏன்?