இயக்குநர்கள் தரும் சுதந்திரம்!-துஷாரா விஜயன்

'போதை ஏறி புத்திமாறி' படத்தின் மூலம் தமிழில் அறிமுகமானவர் துஷாரா விஜயன். சார்பட்டா பரம்பரை, கழுவேத்தி மூர்க்கன் என |நடித்த ஒன்றிரண்டு படங்களிலும் தன் திறமையை வெளிப்படுத்தி இருக்கும் துஷாரா, அடுத்து தனுஷ் இயக்கி நடிக்கும் படத்தில் நடிப்பதாக தகவல். ரசிகர்கள் மனதில் இடம் பிடிக்கும் கேரக்டர்களில் நடிக்க வேண்டும் என்பதே தன்னுடைய இலக்கு என்று சொல்லும் துஷாரா விஜயனுடன் ஒரு பேட்டி

- திருமகன்

ஸ்கிரிப்டுகளை எப்படி தேர்வு செய்கிறீர்கள்?

ஒரு படத்தில் ஐந்து நிமிடமே வந்தாலும் என்னுடைய கேரக்டர் ரசிகர்கள் மனதில் ஒரு தாக்கத்தை ஏற்படுத்த வேண்டும் என்று நினைக்கிறேன். ஏனெனில் ரசிகர்களும் அந்த கேரக்டருடன் ஒன்றிணைய வேண்டும். அதற்காகவே நானும் மிகுந்த எச்சரிக்கையுடனும் பொறுப்புணர்வோடும் எனது கேரக்டர்களை தேர்வு செய்கிறேன்.

எனது கேரியரில் ஒரே மாதிரியான கேரக்டர்களில் நடிக்க நான் விரும்பவில்லை. புதிதாக ஏதாவது முயற்சி செய்து கொண்டே இருக்க வேண்டும் என்பதே என் விருப்பம். இப்போது ஆக்சன் ரோலில் நடிக்க விரும்புகிறேன். எனக்கே சவால் விடுக்கும் வகையில் கேரக்டர்கள் வந்தால் அதை லபக்கென்று பாய்ந்து பிடித்துக் கொள்ள ஆசைப்படுகிறேன்.