മരുഭൂമികൾ

പ്രകൃതി കൗതുകങ്ങൾ

- അഡ്വ. വിജയൻ കോതമ്പത്ത് ഫോൺ : 94005 83200

പ്രകൃതിയിലെ അത്ഭുത പ്രതിഭാസങ്ങളാണ് മരുഭൂമികൾ. ഭൂമിയുടെ കരപ്രദേശത്തിന്റെ മൂന്നിലൊന്നോളം മരുഭൂമികളാണ്.

കടലിനെ പോലെത്തന്നെ വർണ്ണിക്കാൻ അതീവ പ്രയാസമുള്ള ഒന്നാണ് മരുഭൂമിയും. കടൽത്തിരകളെപ്പോലെ കാണാൻ ഭംഗിയുള്ള മണൽത്തിരകളുമുണ്ട് (Sand dunes) മരുഭൂമികളിൽ. പണ്ട് കാലത്തെ സമുദ്രങ്ങളാണ് ഇപ്പോഴത്തെ മരുഭൂമികൾ എന്ന് കരുതുന്നവരുണ്ട്. ഭൂമിയിലുണ്ടായ ചില മാറ്റങ്ങൾ കാരണം. സമുദ്രജലം ഒഴുകിപ്പോയി അവശേഷിച്ച അടിത്തട്ട് ഉണങ്ങിയതാണത്രെ മരുഭൂമികൾ.

പ്രതിവർഷം 250 മില്ലിമീറ്ററിൽ താഴെയാണ് മരുഭൂമികളിൽ മഴ ലഭിക്കാറുള്ളത്. കേരളത്തിലത് 3000 മില്ലി മീറ്ററാണ്.