പുനർജ്ജനി കടന്നാൽ പുതുജന്മം

ശ്രീവില്വാദ്രിനാഥ കഥാമൃതം...

- 

കേരളത്തിലെ പുണ്യപുരാണ ക്ഷേത്രങ്ങളിൽ പലതുകൊണ്ടും പ്രാമുഖ്യമർഹിക്കുന്ന പദവിയാണ് തിരുവില്വാമല ശ്രീ വില്വാദ്രിനാഥ ക്ഷേത്രത്തിനു ള്ളത്. തൃശൂർ ജില്ലയിൽ തലപ്പിള്ളി താലൂക്കിൽ പതിനെട്ടര കുന്നുകൾക്കപ്പുറത്ത് ലക്കിടി സ്റ്റേഷ നരികെ പ്രകൃതി സൗന്ദര്യത്തിന്റെ പരിലാളനമേറ്റ് പരിലസിക്കുന്ന വില്വാമലയിലാണ് ഈ ക്ഷേത്രം നിലകൊള്ളുന്നത്. മുവേഴുവട്ടം മഹാക്ഷത്രിയരെ മുടിച്ച മഹാപാപത്തിൽ നിന്നും മുക്തിനേടുവാൻ വഴികാണാതലയുന്ന പരശുരാമന്, പരമശിവൻ കൈലാസത്തിൽ താൻ നിത്യപൂജ നടത്തിയിരുന്ന വിഷ്ണുവിഗ്രഹം നൽകി അനുഗ്രഹിക്കുകയുണ്ടായി. ഈ ദിവ്യവിഗ്രഹം പ്രതിഷ്ഠിക്കാൻ വില്വാമല തന്നെ വിശേഷപ്പെട്ടതെന്നു കരുതി പരശുരാമൻ ലോകാനുഗ്രഹത്തിനായി പ്രതിഷ്ഠിച്ചതാണ് കി ഴക്കേ ശ്രീകോവിലിലെ വിഗ്രഹം. വില്വാമലയുടെ തൊട്ടുകിഴക്കുള്ള ഭൂതമലയിലെ ഭൂതങ്ങളും പ്രത ങ്ങൾപോലും ഈ വിഗ്രഹ ദർശനത്താൽ പുണ്യം നേടുകയും ആ പുണ്യം അവരെ മുക്തിയിലേക്ക് നയിക്കുകയും ചെയ്തു. പരമേശ്വരാർച്ചിതമായിരുന്ന ഈ വിഗ്രഹത്തിന്റെ മഹത്വം നാടെങ്ങും പരന്നതോടെ പഞ്ചപാണ്ഡവന്മാരും പിതൃപ്രീതി വരുത്താനുദ്ദേശിച്ച് വില്വാമലയിൽ വരികയുണ്ടായി. അവർ നിളാനദി (ഭാരതപ്പുഴ) യുടെ തീരത്ത് സാക്ഷാൽ ശ്രീകൃഷ്ണന്റെ സാന്നിദ്ധ്യത്തിൽ പിതൃതർപണം നടത്തി. സോമേശ്വരത്തും, കോതക്കുറുശ്ശി മംഗലത്തും പ്രത്യേകം പ്രത്യേകം ശിവലിംഗങ്ങൾ പ്രതിഷ്ഠിച്ച് പൂജ നടത്തി വില്വാദ്രിനാഥനെ വന്ദിച്ച് ആനന്ദമഗ്നരായി തിരിച്ചുപോയി. (അന്ന് ശ്രീകൃഷ്ണ സാന്നിദ്ധ്യമുണ്ടായ സ്ഥലമാണ് ഇന്നത്തെ ഐവർമഠം ശ്രീകൃഷ്ണക്ഷേത്രം) വില്വാദ്രിയിൽ ശിവശക്തിയും വിഗ്രഹത്തിൽ ലയിച്ചു ചേർന്നിരിക്കുന്നു. ഇന്നും സോമവാരം, പ്രദോഷം, ശിവരാത്രി എന്നീ വ്രതങ്ങളെടുത്ത് ധാരാളം ഭക്തജനങ്ങൾ വില്വാദ്രിനാഥനെ ദർശിച്ചുവരുന്നു. പടിഞ്ഞാറെ ശ്രീകോവിലിൽ ശിവനുവേണ്ടി പ്രത്യേകം ദീപം കത്തിക്കുകയും വില്വപുഷ്പം കൊണ്ട് അർച്ചന പുനർജ്ജനി ഗുഹ നടത്തുകയും സാധാരണമാണ്.