അമ്മ നിനക്കായ് കരഞ്ഞാൽ ആഗ്രഹ സാഫല്യം

തന്നെ തേടിയെത്തുന്നവരുടെ ദുരിതങ്ങളും സങ്കടങ്ങളും ഇഷ്ടമൂർത്തിയ്ക്ക് മുന്നിലെ കരഞ്ഞപേക്ഷയിലൂടെ പരിഹരിക്കുന്ന ഒരു യോഗിനിയുടെ കഥയാണിത്. ശൈവ വൈഷ്ണവ ശാക്തേയ ഉപാസനകളിലൂടെ സിദ്ധി വരം ലഭിച്ച ചിത്രാനന്ദമയി ദേവിയുടെ പിറന്നാൾ ആണ് ഒക്ടോബർ 13. ആഘോഷങ്ങളോ ആർഭാടങ്ങളോ ഇല്ലാതെ പ്രാർത്ഥനാ നിർഭരമായി ഈ ദിനം കടന്നുപോകും

- 

ജലം എത്ര ശുദ്ധമാണെങ്കിലും ദീർഘനാൾ കെട്ടിക്കിടന്നാൽ അത് ദുർഗന്ധം വമിപ്പിക്കും, പരിസരം ദുഷിപ്പിക്കും. അതുപോലെയാണ് മനു ഷ്യമനസിനെ സംബന്ധിച്ചിടത്തോളം ദുഖങ്ങളും ദുരിതങ്ങളും പ്രതിസന്ധികളും തളം കെട്ടിക്കി ടക്കുന്ന ഏതു മനസും നിലതെറ്റി ജീവിതത്തെ നശിപ്പിക്കുന്നു. ഈ അവസ്ഥയുടെ മോചനം സാധ്യമാകാതെ ഉഴറുന്നവരുടെ പ്രത്യാശയും പ്രതീക്ഷയുമാണ് ചിത്രാനന്ദമയി ദേവി. പ്രതിസന്ധികളുടെ ഭാണ്ഡകെട്ട് ഒരുമടിയും കൂടാതെ എന്നിൽ വിശ്വസിച്ച്, എന്നെ ഏൽപ്പിക്കു ഞാൻ പറയുന്ന നാളുകൾക്കുള്ളിൽ അതിന് പരിഹാരം നിന്നെ തേടിയെത്തും. ഇതാണ് അമ്മ തന്റെ ദർ ശനത്തിനെത്തുന്ന ഓരോ ഭക്തനും നൽകുന്ന വാക്ക്. പ്രതിഫലേച്ഛയില്ലാതെ എത്രയോ വർഷ ങ്ങളായി ഈ പ്രശ്നപരിഹാര കർമ്മം ഈശ്വര നിയോഗമായി സ്വീകരിച്ചിരിക്കുന്ന ഈ യോഗിനിയുടെ അപൂർവ സിദ്ധിയുടെ ഫലം അനുഭവിച്ച് പതിനായിരങ്ങളാണ് ജീവിതത്തിലേക്ക് മടങ്ങിയെത്തുന്നത്. അത്ഭുതങ്ങളുടെ ഘോഷയാത്രയാണ് ചിത്രാനന്ദമയി അമ്മയുടെ ആത്മീയജീവിതം. ഈശ്വരനോട് നടത്തേണ്ടത് പ്രാർത്ഥനയല്ല മറിച്ച് യാചനയാണ് എന്ന ഒരുലഘു തത്വം കൊണ്ടുതന്നെ അമ്മ നമ്മുടെ പ്രാർത്ഥനാരീതിയെ പോലും മാറ്റി മറിയ്ക്കുന്നു. നിന്റെ ദൈവം ആരുമായി കൊള്ളട്ടെ, പ്രാർത്ഥനാ വേളകളിൽ മാതാപിതാക്കളുടെ മുന്നിലെന്നവണ്ണം ഒരു കൊച്ചുകുഞ്ഞായി മാറി നീ കരഞ്ഞു പ്രാർത്ഥിച്ചാൽ ഏതു ദൈവവും മിഴി തുറക്കും എന്നതാണ് അമ്മയുടെ ഉപദേശം.