தெங்கு உற்பத்தியை ஊக்குவிக்க வடக்கில் முக்கோண வலயம்

ஜனாதிபதி தலைமையில் அங்குரார்ப்பணம் GUAV

- நிவேதா அரிச்சந்திரன்

இலங்கையில் தற்போது தேங்காய்களுக்கான தட்டுப்பாடு அதிகரித்துள்ளதுடன் சந்தையில் தேங்காய் ஒன்றின் விலை 200 ரூபாவை விட அதிகளவு விற்கப்படுகிறது.

இந்நிலைமையானது கீழ்த்தட்டு மக்கள் மத்தியில் பாரிய நெருக்கடியை தோற்றுவித்துள்ளது.

தேசிய மக்கள் சக்தி அரசாங்கம் வரிசையுகத்துக்கு முற்றுப்புள்ளி வைக்கும் என எதிர்பார்க்கப்பட்ட நிலையில் தேங்காய்க்கு மக்கள் வரிசையில் காத்திருக்க வேண்டிய நிலையை தோற்றுவித்துள்ளதாக இந்த அரசாங்கம் கடுமையாக விமர்சிக்கப்பட்டது.

அத்தியாவசிய பொருட்களின் விலையேற்றமானது பொதுமக்கள் மத்தியிலும் மிகப் பாரியதொரு அதிருப்தியை தோற்றுவித்திருந்தது.

இதற்கிடையில் இப்பிரச்சினைக்கு நீண்டகாலத் தீர்வாக தற்போது அரசாங்கம் தெங்கு உற்பத்தியை ஊக்குவிக்கும் பாரிய திட்டமொன்றை முன்னெடுத்துள்ளது. உலக தெங்கு தின நிகழ்வுகளுடன் இணைந்த வகையில் 'கற்பகத்தரு, நாடே சுபீட்சம் ஆக்கும் விருட்சம்' என்ற வடக்கு தெங்கு முக்கோண தொடக்க விழா நேற்று ஜனாதிபதி தலைமையில் புதுக்குடியிருப்பு பகுதியில் ஆரம்பித்து வைக்கப்பட்டது.

2025ஆம் ஆண்டு வடமாகாணத்தில் 16 ஆயிரம் ஏக்கர்களில் தென்னைப் பயிர்ச் செய்கையை மேற்கொள்ளும் நோக்கில் இத்திட்டம் ஆரம்பிக்கப்பட்டுள்ளதோடு 2027ஆம் ஆண்டளவில் இந்த எண்ணிக்கை 50 ஆயிரம் ஏக்கர்களாக ஆரம்பிக்கப்படவுள்ளது.

வடக்கு மற்றும் தெற்கு மக்களின் மனங்களை ஒன்றிணைக்கவும் நாட்டின் பொருளாதாரத்தை உச்சத்துக்கு கொண்டு சென்று செழிப்பான தென்னை அறுவடையை விருத்தி செய்து அந்நிய செலாவணியை அதிகரிக்கவும் பெருந்தோட்ட மற்றும் சமூக உட்கட்டமைப்பு வசதிகள் அமைச்சினால் பருத்தித்துறை, சிலாவத்துறை மற்றும் கொக்கிளாய் ஆகிய மூன்று நகரங்களையும் இணைத்து ஆரம்பிக்கப்படும் வடக்கு தென்னை முக்கோண வலயமானது யாழ் 2025ஆம் ஆண்டு வடமாகாணத்தில் 16 ஆயிரம் ஏக்கர்களில் தெங்குப் பயிர்ச்செய்கையை மேற்கொள்ளும் நோக்கில் இத்திட்டம் ஆரம்பிக்கப்படுவதோடு 2027ஆம் ஆண்டளவில் இந்த எண்ணிக்கை 50 ஆயிரம் ஏக்கர்களாக அதிகரிக்கப்படவுள்ளது.

பாணம், கிளிநொச்சி, முல்லைத்தீவு, மன்னார் மற்றும் வவுனியா ஆகிய ஐந்து மாவட்டங்களை உள்ளடக்கியவாறு செயல்படுத்தப்படுகின்றது.