NDB வங்கி Eduko Pathways உடனான புதிய பங்குடைமையுடன் உலகளாவிய கல்வி ஆதரவை வலுப்படுத்துகிறது

NDB வங்கியானது இலங்கை மாணவர்களுக்கு சர்வதேச கல்வி வாய்ப்புகளை தடையின்றி அணுகுவதற்கான அதன் தொடர்ச்சியான முயற்சிகளில் ஒன்றாக Eduko Pathways உடன் மூலோபாய பங்குடைமையில் ஈடுபட்டுள்ளது. NDB வங்கியானது உள்நாட்டு மாணவர்கள் மற்றும் அவர்களது குடும்பங்களுக்கு வெளிநாட்டு கல்வியை மேலும் தடையின்றி வழங்குவதை நோக்கமாகக் கொண்ட ஒரு அர்த்தமுள்ள ஒத்துழைப்புக்கான களத்தை அமைத்த நிலையில் ஜூலை 20, 2025 அன்று வங்கியின் தலைமை அலுவலகத்தில் புரிந்துணர்வு ஒப்பந்தத்தில் (MOU) அதிகாரப்பூர்வமாக கையெழுத்திட்டது.

- 

NDB வங்கியின் சார்பாக, தனிப்பட்ட வங்கிப்பிரிவு மற்றும் வாடிக்கையாளர் அனுபவத்திற்கான சிரேஷ்ட துணைத் தலைவர் திரு. சஞ்சய பெரேரா மற்றும் சில்லறை வங்கியியலுக்கான துணைத் தலைவர் திரு. ஸியான் ஹமீத் ஆகியோர் கையெழுத்திட்டனர். அத்துடன் Eduko Pathways ஐ பிரதிநிதித்துவப்படுத்தும் வகையில் பிரதம நிறைவேற்று அதிகாரியான திருமதி நிஷானி டி சில்வா கலந்து கொண்டார். Eduko Pathways என்பது இலங்கையில் வலுவான இருப்பைக் கொண்ட உலகளாவிய ரீதியாக இணைக்கப்பட்ட கல்வி ஆலோசனை நிறுவனமாகும், இது அவுஸ்திரேலியா, இங்கிலாந்து, கனடா மற்றும் அதற்கு அப்பால் உள்ள உயர்மட்ட கல்வி நிறுவனங்களில் ஆயிரக்கணக்கான மாணவர்கள் அனுமதி பெற உதவுகிறது. கல்வி ஆலோசனை முதல் விசா ஆதரவு வரையிலான முழுமையான அணுகுமுறைக்கு பெயர் பெற்ற Eduko Pathways, வெளிநாட்டுக் கல்வியின் சிக்கலான பயணத்தை வழிநடத்தும் மாணவர்களுக்கு நம்பகமான வழிகாட்டியாக மாறியுள்ளது.