நிஸ்ஸங்கவின் சதத்தின் உதவியினால் பலமான நிலையில் இலங்கை

பங்களாதேஷ் கிரிக்கெட் அணிக்கெதிராக தமது முதல் இன்னிங்ஸில் துடுப்பெடுத்தாடிவரும் இலங்கை அணிக்கு பெத்தும் நிஸ்ஸங்கவின் சதம் கைகொடுக்க, நேற்றைய மூன்றாவது நாள் நிறைவின்போது, 93 ஓவர்களில் 4 விக்கெட் இழப்புக்கு 368 ஓட்டங்கள் குவித்து பலமான நிலையில் காணப்படும் இலங்கை அணி 127 ஓட்டங்கள் பின்னிலையில் உள்ளது.

- (எம்.எம்.சில்வெஸ்டர்)

இலங்கை அணி சார்பாக ஆரம்ப ஜோடியாக களமிறங்கிய பெத்தும் நிஸ்ஸங்க மற்றும் அறிமுக வீரரான லஹிரு உதார இருவரும் அதிரடியாக துடுப்பெடுத்தாடி சிறந்த ஆரம்பத்தை கொடுத்தனர்.

டெஸ்ட் அரங்கில் தனது தனிப்பட்ட அதிகபட்ச ஓட்ட எண்ணிக்கையை குவித்த இலங்கை கிரிக்கெட் அணியின் ஆரம்ப துடுப்பாட்ட வீரரான பெத்தும் நிஸ்ஸங்க, இலங்கை அணியின் துடுப்பாட்டத்துக்கு சிறந்த அடித்தளத்தை இட்டார். இரட்டைச் சதம் அடிப்பார் என பெரிதும் எதிர்பார்க்கப்பட்ட நிஸ்ஸங்க, 256 பந்துகளில் ஒரு சிக்ஸர், 23 பவுண்டரிகள் அடங்கலாக 187 ஓட்டங்களை பெற்றுக்கொடுத்தார்.

மெத்தியூஸுக்கு மரியாதை