இலங்கையில் தொடரும் மனித புதைகுழிகள் : செம்மணி புதைகுழியின் மர்மம் துலங்குமா?

உங்கள் பிள்ளை, உடன்பிறந்தவர், கணவன், மனைவி அல்லது பெற்றோர் என ஒரு அன்புக்குரியவர் காணாமல்போனதை கற்பனை செய்து பாருங்கள், அவர்களை மீண்டும் கொண்டுவர அல்லது குறைந்தபட்சம் அவர்களுக்கு என்ன நடந்தது என்பதைக் கண்டறிய நீங்கள் உங்களால் முடிந்த அனைத்தையும் செய்வீர்கள். அதற்குப் பதிலாக உங்கள் வேண்டுகோள்கள் செவிடர்களின் காதுகளில் விழுகின்றன.

- வீ. பிரியதர்சன்

அரசாங்கங்களும் புரட்சிகளும் வந்துபோயின. அனைத்தும் நீதியை உறுதியளித்தன. ஆனால் இறுதியில் அந்த நீதியை வழங்கத் தவறிவிட்டன.
ஆயினும் இலங்கையின் வடக்கு, கிழக்கில் 3,000 நாட்களுக்கு மேலாக காணாமல் போனவர்களின் உறவினர்கள் நீதிக்காக போராடிக்கொண்டிருக்கின்றனர். ஆம், இந்நிலையிலேயே 2025 ஆம் ஆண்டு ஜூன் மாதம் 8 ஆம் திகதி, பாரிய மனிதப் புதைகுழியாக யாழ்ப்பாணத்தின் அரியாலைப் பகுதியிலுள்ள செம்மணி சிந்துப்பாத்தி இந்து மயான மனிதப் புதைகுழி பகுதி அறிவிக்கப்பட்டது. அங்கு 19 மனித எலும்புக்கூடுகள் கண்டுபிடிக்கப்பட்டுள்ளன. மீண்டும் அங்கு அகழ்வாராய்ச்சி தொடங்கும் போது மேலும் பல எலும்புக்கூடுகள் கண்டுபிடிக்கப்படலாம் என எதிர்பார்க்கப்படுகின்றது. செம்மணி மனிதப் புதைகுழியில் இதுவரை கண்டுபிடிக்கப்பட்ட 19 எலும்புக்கூடுகளில் 3 பிறந்த குழந்தைகளின் எலும்புக்கூடுகள் அல்லது பத்துமாதத்திற்கும் குறைவான குழந்தைகளின் எலும்புக்கூடுகள்,
மனிதப் புதைகுழிகளின் 40 வீதத்தினை மாத்திரமே இதுவரை அகழ்ந்துள்ளோம். செயற்கோள் படங்கள் மற்றும் ஆளில்லா விமானப் படங்கள் மூலம் இரண்டாவது மனிதப் புதைகுழி இருப்பதற்கான சாத்தியக்கூறுகளை ஏற்கனவே கண்டுபிடித்துள்ளதாக,
செம்மணி மனிதப் புதைகுழி அகழ்வாராய்ச்சி நடவடிக்கைகளுக்கு தலைமை தாங்கும் தடயவியல் தொல்பொருள் ஆய்வாளர் பேராசிரியர் ராஜ்சோமதேவ கூறுகிறார்.