அம்ஷியின் மரணத்துக்கு நீதிகோரி கொழும்பில் பாரிய போராட்டம்

கொட்டும் மழைக்கு மத்தியிலும் கோபாவேசத்துடன் மக்கள் கோஷம்

- நா.தனுஜா

• ஜனாதிபதி செயலகத்தை நோக்கி பேரணி முன்னெடுப்பு ஆசிரியரை

• இன்றைய தினத்துக்குள் இடைநிறுத்த உத்தரவாதம் ஆசிரியர்

• இடமாற்றப்பட்டுள்ளதாக கல்வியமைச்சு தெரிவிப்பு

பதினாறு வயதுடைய மாணவி டில்ஷி அம்ஷிகாவின் மரணத்துக்கு நீதிகோரி நேற்றைய தினம் பெற்றோர்கள், சமூக ஆர்வலர்கள், இளைஞர், யுவதிகள், மாணவர்கள் என நூற்றுக்கணக்கானோர் இணைந்து பம்பலப்பிட்டியில் அமைந்துள்ள பிரபல தமிழ்ப் பாடசாலைக்கு முன்பாக கொட்டும் மழைக்கு மத்தியில் மேற்கொண்ட மாபெரும் கவனயீர்ப்புப் போராட்டம் கல்வியமைச்சு உள்ளடங்கலாக சகல தரப்பினரதும் கவனத்தைப் பெற்றதுடன், தலைநகரை ஸ்தம்பிதமடையச் செய்தது.

கொழும்பிலுள்ள பிரபல பாடசாலை ஒன்றில் கல்வி பயின்றுவந்த 16 வயதுடைய டில்ஷி அம்ஷிகா

எனும் மாணவி, அவர் வசிக்கும் தொடர்மாடிக் குடியிருப்பின் 7ஆவது மாடியிலிருந்து குதித்துத் தற்கொலை செய்துகொண்ட சம்பவம் கடந்த ஏப்ரல் மாதம் 29 ஆம் திகதி கொட்டாஞ்சேனை, கல்பொத்த வீதியில் பதிவானது.

இச்சம்பவத்தை அடுத்து குறித்த மாணவிக்கு நீதி கோரியும், அம்மாணவியை பாலியல் துஷ்பிரயோகத்துக்கு உட்படுத்தியதாகக் கூறப்படும் பிரபல தமிழ் பாடசாலையொன்றின் கணித ஆசிரியர் மற்றும் அம் மாணவியை பிரத்தியேக வகுப்பில் பல மாணவர்கள் முன்னிலையில் முறையற்ற விதத்தில் பேசி அவமதித்ததாகக் கூறப்படும் தனியார் கல்வி நிலைய உரிமையாளர் ஆகியோருக்கு எதிராக நடவடிக்கை எடுக்குமாறு வலியுறுத்தியும் வலியுறுத்தியும் பேஸ்புக் (முகப்புத்தகம்) உள்ளிட்ட சமூகவலைத்தளங்களில் 'ஜஸ்டிஸ் ஃபோர் அம்ஷிகா' (உயிரிழந்த மாணவியான அம்ஷிகாவுக்கு நீதி) எனும் ஹாஷ்டக்குடன் பலராலும் பதிவுகள் இடப்பட்டன.