నియంత్రణే ఏకైక మార్గం

ప్రపంచ దేశాల్లో మధుమేహం/డయాబెటిస్ అత్యధికంగా విస్తరించి ఉన్న దేశంగా భారత్ మరో చరిత్రను సృష్టించడంతో పాటు 'ప్రపంచ మధుమేహ రాజధాని భారత్' అనే ప్రతికూల ఖ్యాతిని మూటగట్టుకుంటున్నది.

- - డాక్టర్ బుర్ర మధుసూదన్ రెడ్డి

ప్రపంచ దేశాల్లో మధుమేహం/డయాబెటిస్ అత్యధికంగా విస్తరించి ఉన్న దేశంగా భారత్ మరో చరిత్రను సృష్టించడంతో పాటు 'ప్రపంచ మధుమేహ రాజధాని భారత్' అనే ప్రతికూల ఖ్యాతిని మూటగట్టుకుంటున్నది. 'ఇంటర్నేషనల్ డయాబెటిస్ ఫెడరేషన్' వివరాల ప్రకారం ప్రపంచవ్యాప్తంగా 40 యేండ్లు దాటిన ప్రతి 8 మంది వయోజనుల్లో ఒకరు మధుమేహంతో బాధపడుతున్నారని తేలింది. భారత్లో అత్యధికంగా 100 మిలియన్లకు పైగా మధుమేహ వ్యాధిగ్రస్తులు ఉన్నట్లు గణాంకాలు స్పష్టం చేస్తున్నాయి. మధుమేహ రుగ్మత వల్ల మానవాళిపై అత్యంత సామాజిక ఆర్థిక భారం పడుతున్నది. భారత్లోని గోవా(26.4 శాతం), పుదుచ్చేరి(26.3 శాతం), కేరళ (25.5 శాతం) రాష్ట్రాలు/కేంద్రపాలిత ప్రాంతాల్లో అత్యధికంగా మధుమేహం ఉన్నట్లు తేలగా, యూపీలో అత్యల్పంగా 4.8 శాతం మాత్రమే ఉన్నట్లు అధ్యయనాలు వెల్లడిస్తున్నాయి.

అవరోధాల్ని ఛేదిద్దాం