కరక్కాయతో బహుళ ప్రయోజనాలు

ఆరోగ్య సమస్యలన్నింటికీ ఆయుర్వేదంలో పరిష్కారాలు ఉన్నాయి. అలోపతి వచ్చిన తరవాత అంతా ఈ అలోపతి మెడిసినికి అలవాటు పడిపోయారు. ఆయుర్వేదంలో ఎంతో సహజసిద్ధమైన చికిత్సలున్నాయి. కాస్త అవగాహన పెంచుకుంటే సులభంగా అనారోగ్యాల నుంచి బయటపడొచ్చు.ఈ వైద్య విధానంలో చెప్పినవి ఏవైనా అందరికీ అందుబాటులో ఉండేవే.

- ఆనంద 'మైత్రేయ' మ్

పసుపు, అల్లం, తేనె.. ఇలా ఇంట్లో రోజూ వాడుకునే పదార్థాలతోనే అద్భుతమైన వైద్యం చేయొచ్చని చెబుతోంది ఆయుర్వేదం.

ఈ వైద్యశాస్త్రంలో కరక్కాయకీ ఎంతో ప్రాధాన్యత ఉంది. ఇందులోని యాంటీ ఆక్సిడెంట్ గుణాలు శరీరాన్ని చల్లబరచడంతో పాటు కఫం లాంటి సమస్యల్నీ దూరం చేస్తాయి. అందుకే కాస్తంత దగ్గు రాగానే ఇంట్లో పెద్దవాళ్లు కరక్కాయను బుగ్గన పెట్టుకుని ఆ రసాన్ని మింగాలని సలహా ఇస్తారు. అనేక రోగాలకు దివ్యౌషధాలు మన వంటింట్లోని పోపుల పెట్టెలోనే ఉంటాయి.వాటిలో ముఖ్యమైనది కరక్కాయ.

కరక్కాయను సంస్కృతంలో హరిటకి అంటారు. ఇదొక్కటే కాదు.అజీర్తి, కడుపు ఉబ్బరం లాంటి సమస్యలకీ ఇది మంచి ఔషధంగా పని చేస్తుంది. కరక్కాయను ఎప్పుడు తీసుకున్నా ఆరోగ్యానికి మంచిదే అయినా పరిగడుపున తీసుకుంటే ఆ ప్రయోజనాలు రెట్టింపు అవుతాయని ఆయుర్వేదం చెబుతోంది.

విశేషస్థానం

ఆయుర్వేద శాస్త్రంలో కరక్కాయకు విశేష స్థానం ఉన్నది. ఎన్నో గుణగణాలు కలిగినది కరక్కాయలో చలవ చేసే గుణం ఉంది. ఇది పైత్యాన్ని హరిస్తుంది. దగ్గుతో బాధపడేవారు చిన్న కరక్కాయ ముక్కను బుగ్గన ఉంచుకుంటే చాలు ఉపశమన కలుగుతుంది.