పొదుపు.. జీవితం మలిచే మార్గం

మనిషి జీవితంలో కోర్కెలు అనంతం. ఆ కోరికలను తీర్చుకోవడం అనేది సహజమే.

- డా. చిటికెన కిరణ్ కుమార్

మనిషి జీవితంలో కోర్కెలు అనంతం. ఆ కోరికలను తీర్చుకోవడం అనేది సహజమే. కానీ ఒక నిర్మాణాత్మకమైనటువంటి కార్యాచరణ ద్వారా ముందుకు సాగితే మెరుగైన జీవితానికి అవకాశాలు ఎన్నో ఉంటాయి.

పొదుపు అంటే కేవలం డబ్బును దాచుకోవడం అనే ఏదో ఒక ప్రత్యేకమైనటువంటి నిర్వచనానికి పరిమితం కాదు. అది జీవనశైలి, స్వీయ క్రమశిక్షణకు, భవిష్యత్తు పట్ల బాధ్యతాయుత దృక్పథానికి నిదర్శనం. మన సంపాదన కన్నా, దానిలో ఎంత భాగాన్ని మిగిలించగలమన్నదే నిజమైన జీవిత భద్రత. ఈ భద్రత మన ఆత్మవిశ్వాసానికి పునాది.

చిన్నతనంలోనే పొదుపు అలవాటు ఏర్పడితే, మనిషి జీవితాంతం ఆర్థికంగా స్థిరంగా ఉండడానికి అవకాశాలు కోకొల్లలు. అవసరాన్ని తెలుసుకోవడం, ఆశను అర్థవంతంగా మలచుకోవడం- ఇవన్నీ పొదుపు ధోరణిలో భాగాలు. అవసరాలపై ప్రశ్న వేయగల సామర్థ్యం కూడా ఈ అలవాటుతోనే కలుగుతుంది.

అనవసర ఖర్చులను నియంత్రించడం, వినియోగానికి ముందు ఆలోచించడం, మితిగా వ్యయం చేయడం ఇవన్నీ తెలివైన జీవనశైలికి మార్గాలు.

ఆత్మనిర్భరతకు పునాది