ఈ పక్రియలతో మెదడుకు చైతన్యం !

కృత్రిమ మేథ(ఆర్టిఫిషియల్ ఇంటెలిజెన్స్) విస్తరించడంతో అన్ని రంగాల్లో అనూహ్య పరిణామాలు వస్తున్నాయి.

- - డాక్టర్ బి.రామకృష్ణ

కృత్రిమ మేథ(ఆర్టిఫిషియల్ ఇంటెలిజెన్స్) విస్తరించడంతో అన్ని రంగాల్లో అనూహ్య పరిణామాలు వస్తున్నాయి. ముఖ్యంగా వైద్య రంగంలో చికిత్సకు ఏమాత్రం సాధ్యం కానివైనా సులువుగా సాధ్యమయ్యేలా చిక్కులు తొలగుతున్నాయి. వ్యాధిని చాలా తొందరగా, కచ్చితంగా గుర్తించడం, రోగి గత చరిత్రను విశ్లేషించడం, అనువైన చికిత్సను సూచించడం వంటి విధానాల్లో కృత్రిమ మేథ కీలక పాత్ర వహిస్తోంది.

అయితే మెదడులా పనిచేసే డిజిటల్ బ్రెయిన్ను కూడా తయారు చేసే పనిలో శాస్త్రవేత్తలు నిమగ్నమై ఉన్నారు. మెదడు చేసే పనుల్లో కొన్ని అది చేస్తుంది కాబట్టి దాన్ని సెకండ్ బ్రెయిన్గా అభివర్ణిస్తున్నారు. మెదడు కేంద్రంగా ఎన్నో ప్రయోగాలు చేస్తున్నారు. నాడీ మండలాన్ని నియంత్రించే కేంద్రం మెదడు. మెదడు ఆరోగ్యంగా ఉంటే జ్ఞాపకశక్తితో పాటు నిర్ణయాలు తీసుకునే సామర్థ్యం పెరుగుతుంది. మెదడులో వంద కోట్ల న్యూరాన్లు ఉంటాయి. ఒక్కో న్యూరాన్ కనీసం వెయ్యి న్యూరాన్లతో అనుసంధానమై ఉంటుంది. మనం ఏ పని చేసినా ఆ సమాచారం అంతా న్యూరాన్ల ద్వారానే అత్యంత వేగంగా మెదడుకు చేరుతుంటుంది.యూనివర్సిటీ ఆఫ్ సదరన్ కాలిఫోర్నియాలోని లేబొరేటరీ ఆఫ్ న్యూరో ఇమేజింగ్ పరిశోధకుల అంచనా ప్రకారం మనిషి మెదడు నిమిషానికి 48 వంతున రోజుకు 70 వేల ఆలోచనలు.చేస్తుందని వెల్లడించారు. భవిష్యత్తులో మానవాళిపై ఆధిక్యత సాధించే ప్రమాదాన్ని ఎదుర్కోడానికి ఎలాన్ మస్క్ న్యూరాలింక్ ప్రాజెక్టు చేపట్టారు.న్యూరాలింక్ బ్రెయిన్ కంప్యూటర్ ఇంటర్ఫేస్(బీసీఐ)లో 8 మిల్లీ మీటర్ల వ్యాసం కలిగిన ఎన్1 అనే చిప్ ఉంటుంది. ఈ చిపను ఇప్పటికే వన్యప్రాణులపై ప్రయోగించి వాటితో అనేక పనులు చేయిస్తున్నారు. చిప్ బ్యాటరీ వైర్లెస్ పద్ధతిలో చార్జి అవుతుంది.కంప్యూటర్ల మనుషులను అనుసంధానం చేయడానికి న్యూరాలింక్ బీసీఐ ఉపయోగపడు తుందని చెబుతున్నారు.మెదడులోని న్యూరాన్ల మధ్య ప్రసారమవుతున్న సందేశాలను ఎలెక్ట్రో గుర్తించి ఎన్1 చిప్కు పంపుతాయి. ఒక చిప్ ని ఎలెక్ట్రోడ్లు వెయ్యి న్యూరాన్ల చర్యలను పరిశీలిస్తుంటాయి.