સરકારી યુનિ.ઓમાં આજથી વિરોધ પક્ષનું વર્ચસ્વ ખતમ, કોમન એક્ટ લાગુ

સેનેટ-સિન્ડિકેટની ચૂંટણીમાં NSUIના કાર્યકર્તાઓ જીતીને આવતાં હતા હવે એક પક્ષના સભ્યો રહેશે

- 

રાજ્યમાં ગુજરાત યુનિવર્સિટી સહિત તમામ સરકારી યુનિવર્સિટીમાં આજથી કોમન એક્ટ લાગુ થતાં સેનેટ-સિન્ડિકેટનું અસ્તિત્વ પૂર્ણ થઇ જશે. સોમવારથી 30 દિવસની અંદર યુનિવર્સિટીઓએ નવા સત્તામંડળ ની રચના કરવાની રહેશે. સામાન્ય રીતે સિન્ડિકેટ અને સેનેટની ચૂંટણી માં NSUIના વિદ્યાર્થી કાર્યકર્તાઓને સ્થાન મળતું હતું. પરંતુ હવે નવી વ્યવસ્થામાં એકપણ મંડળમાં વિરોધ પક્ષના કાર્યકર્તાઓને સ્થાન નહીં, આમ, સરવાળે યુનિવર્સિટીઓમાંથી વિરોધપક્ષનું વર્ચસ્વ ખતમ થઇ જશે.