உணவை மையப்படுத்தி இளையர்களுக்கான புதிய தளம்

சிங்கப்பூரின் புகழ்பெற்ற உணவு வகைகளை மையப்படுத்தி, சிறுவர் அரும்பொருளகத்தில் இருக்கும் ‘கண்டுபிடிப்பகம்' (Discovery Room) சிறுவர்களுக்கான துடிப்பான தளமாக உருமாற்றப்பட்டுள்ளது.

- விஷ்ருதா நந்தகுமார்

சிறுவர்கள் விளையாட்டின் மூலம் பயின்று, உணவின் மரபை ஆராய்ந்து, புத்தாக்கமிக்க அனுபவத்தைப் பெற ஊக்குவிக்கும் வகையில் இத்தளம் அமைந்துள்ளது.

மாணவர்களோடும் சிறுவர் அரும்பொருளகத்தின் இளைய தூதர்களோடும் இணைந்து, 'ஆடுவோம் ஆக்குவோம்' (Play + Make) என்ற இத்தளத்தைச் சிங்கப்பூர் சிறுவர் அரும்பொருளகம் வடிவமைத்துள்ளது. ஜூலை 20ஆம் தேதி முதல் அடுத்த ஆண்டு மார்ச் 31ஆம் தேதிவரை சிறுவர் அரும்பொருளகத்தில் அமைந்திருக்கும் இத்தளத்திற்கு வருகையாளர்கள், குறிப்பாகச் சிறுவர்கள் செல்லலாம்.