விடுமுறையில் அர்த்தமுள்ள அனுபவம்!

ஓர் ஓய்வுத்தலமாக மட்டுமன்றி, ரிசோர்ட்ஸ் வோர்ல்ட் செந்தோசா சுற்றுச்சூழல் கல்வி, கடல் சார்ந்தவை குறித்துக் கண்டறிதல் உள்ளிட்ட அர்த்தமுள்ள ஈடுபாட்டிற்கானத் தலமாகப் பரிணமித்து வருகிறது.

- நட்டால்யா மொலோக்

திருவாட்டி விவியன் கேவன் தனது நுண்ணோக்கியின் வழியே ஒரு அரிசியின் அளவைவிடச் சிறிய ஒரு பொருளைக் காண்கிறார். புதிதாகத் திறக்கப்பட்ட சிங்கப்பூர் கடற்காட்சிக் கூடத்தின் முதன்மை மீன் வளர்ப்பாளரான அவர், 'கடல் ஜெல்லி' குஞ்சு பொரிப்பதைப் பார்க்கிறார்.

பெரிய பொழுதுபோக்குச் சவாரிகள், அழகிய கட்டடங்களைத் தாண்டி ரிசோர்ட்ஸ் வோர்ல்ட் செந்தோசாவில் அறிதான தருணங்கள் அளிக்கும் ஆச்சர்யங்கள் இங்குதான் தொடங்குகின்றன.

இங்கு, திருவாட்டி கேவன், 37 போன்றோர், தாங்கள் கடல் ஜெல்லிகளை கவனித்துக்கொள்வதைத் தாண்டி மாணவர்களின் ஆர்வத்தைத் தூண்டும் பள்ளிப் பயணங்கள், குடும்ப மரபுகளாக மாறக்கூடிய விடுமுறைக் கொண்டாட்டங்கள், வாழ்வின் முக்கியத் தருணங்களைக் கொண்டாடுதல் ஆகியவற்றுக்கான பின்புலன்களை உருவாக்குகின்றனர் என்பதை உணர்ந்துள்ளார்கள்.

முதல் அனுபவம் பெறுவோர்

“கிட்டத்தட்ட 20 ஆண்டுகளுக்கு முன்பு வரை, இவ்விடம் வெறும் 49 ஹெக்டேர் காலி நிலமாக இருந்தது," எனக் கூறிய திட்டங்களின் மூத்த துணைத் தலைவர் திரு. லிம் டீக் சியாங், 2008 ஆம் ஆண்டு மூத்த திட்ட மேலாளராக இருந்தபோது அந்தக் காலி நிலத்தில் நின்றதை நினைவு கூர்ந்தார்.

யுனிவர்சல் ஸ்டுடியோஸ் சிங்கப்பூரின் அடித்தளக் கட்டுமானப் பணிகள் நடைபெற்றபோது, தற்காலிக இரும்புக் கட்டமைப்பில் 'மோனோரயில்' நின்றதியும் இவர் பார்த்ததாகக் கூறினார்.

"இலக்கின் அளவு சாத்தியமற்றதாகத் தோன்றியது," என்றார் லிம், 47.

கனவை கட்டுதல் அந்த இலக்கு, செயல்படும் மோனோரயிலைச் சுற்றிக் கட்டுமானப் பணி மேற்கொள்வது, கடலிலிருந்து ஏழு ஹெக்டேர் நிலமீட்பு மேற்கொள்வது, உயிருள்ள பவளப்பாறைச் சூழல் அமைப்புகளை இடமாற்றம் செய்தல் ஆகிய சவால்களுடன் வந்தது.

இருப்பினும், சிறு சிறு தருணங்கள் அளித்த பெருமையும், மகிழ்ச்சியும், சவால்கள் அளித்த அழுத்தத்தைத் தாங்கக்கூடியவையாக மாற்றின. கனவுக் காட்சி உயிர்பெற்று அப்பூங்கா வழியே நடந்து சென்றதையும் திரு. லிம் நினைவு கூர்ந்தார்.