'మావిగన్' అనడం ఆయన పిచ్చికి నిదర్శనం

యాడికి సభలో సీఎం చంద్రబాబు

- 

ఏపీ స్టేట్ బ్యూరో, అమరావతి : రాష్ట్రానికి ఒకే రాజధాని ఉంటుందని, అదే అమరావతి అని ముఖ్యమంత్రి నారా చంద్రబాబు నాయుడు మరోసారి పునరుద్ఘాటించారు. గత ప్రభుత్వ మూడు రాజధానులు విధానాన్ని 'మూడు ముక్కలాట'గా అభివర్ణించారు. "గతంలో మీ రాజధాని ఏదని బయట అడిగితే చెప్పలేక నామోషీ పడే పరిస్థితి ఉండేది.ఇప్పుడు గర్వంగా నా రాజధాని అమరావతి అని చెప్పుకునే ధైర్యం వచ్చింది" అని అన్నారు. సోమవారం అనంతపురం జిల్లా యాడికిలో నిర్వహించిన 'నీటి భద్రత-రైతు సంఘాల బాధ్యత' కార్యాచరణ ప్రారంభ సభలో ఆయన పాల్గొన్నారు.

దేవతల రాజధాని అయిన అమరావతి పేరు పలకడానికి కూడా ఇష్టం లేని వాళ్లు రాష్ట్రాన్ని నాశనం చేశారని, ప్రత్యర్థి పార్టీ నేత అమరావతిని 'మావిగన్' అనడం ఆయన పిచ్చికి నిదర్శనమని ఎద్దేవా చేశారు. రాష్ట్రానికి పెట్టుబడులు రాకుండా బెదిరింపులకు పాల్పడుతున్నారని, ఇలాంటి రాజకీయాలను ప్రజలు తిప్పికొట్టాలని పిలుపునిచ్చారు.