మా అదుపులోనే వెనెజువెలా అధ్యక్షుడు

మదురోను కస్టడీలోకి తీసుకున్నామన్న ట్రంప్ వెనెజువెలాపై అమెరికా వైమానిక దాడి

- 

• ఇది సైనిక దురాక్రమణేనని రష్యా వ్యాఖ్య

వెనెజువెలా అధ్యక్షుడు నికోలస్ మదురోను, ఆయన సతీమణి సిలియా ఫ్లోర్స్ను తమ కస్టడిలోకి తీసుకున్నామని అమెరికా అధ్యక్షుడు డొనాల్డ్ ట్రంప్ ప్రకటించారు. వారిద్దరినీ ప్రస్తుతం వెనెజువెలా వెలుపలకు తరలించినట్లు తన సోషల్ మీడియా ప్లాటామ్ ట్రూత్ సోషల్లో వెల్లడించారు.

వాషింగ్టన్ : వెనెజువెలా అధ్యక్షుడు నికోలస్ మదురోను, ఆయన సతీమణి సిలియా ఫ్లోర్సు తమ కస్టడిలోకి తీసుకున్నామని అమెరికా అధ్యక్షుడు డొనాల్డ్ ట్రంప్ ప్రకటించారు. వారిద్దరినీ ప్రస్తుతం వెనెజువెలా వెలుపలకు తరలించినట్లు తన సోషల్ మీడియా ప్లాటామ్ ట్రూత్ సోషల్లో వెల్లడించారు. అంతేకాదు ఉదయం 11 గంటలకు (అమెరికా కాలమానం ప్రకారం) మీడియా సమావేశం నిర్వహించనున్నట్లు తెలిపారు.

వాళ్లు బతికే ఉన్నారా?

మరోవైపు తమ అధ్యక్షుడుని, ప్రథమ మహిళను అమెరికా కస్టడీలోకి తీసుకోవడంపై వెనుజువెలా ఉపాధ్యక్షుడు డెల్సీ రోడ్రిగ్స్ స్పందించారు. ప్రస్తుతం వారిద్దరూ ఎక్కడ ఉన్నారో తమకు తెలియదన్నారు. అయితే వారిద్దరూ సజీవంగా ఉన్నారో, లేదో తెలియజేయాలని, అందుకు తగిన ఆధారాలు చూపాలని అగ్రరాజ్యం అమెరికాను డిమాండ్ చేశారు.