Heidelberg-brand stabiel, maar steeds aktief

'n Uitgebreide veldbrand wat sedert verlede week in die bergagtige en deels ontoeganklike gebiede noord van Heidelberg woed, bly aktief, maar is tans onder beheer naby kritieke infrastruktuur.

- Ben Snyman

Die kaart illustreer die gebiede wat onder die brand gebuk gegaan het.

In die vroeë stadiums was een woonhuis in gevaar, maar brandbestryders het dit suksesvol beskerm.Die brand het aanvanklik weens droë toestande en wisselende winde vinnig versprei, en het in die rigting van Peerplaas, omliggende plase, die Grootvadersbosch-natuurreservaat en die Tradouwpas beweeg. Veral die noordelike en noordwestelike brandflanke in die hoër berggebiede was moeilik bereikbaar en het onbeheerbaar gebrand, hoewel dit tans geen direkte bedreiging vir infrastruktuur inhou nie.