Ongeluk op N2 eis een lewe

'n Tragiese ongeluk op die N2-hoofweg naby die Gouritsmondafrit het Dinsdagaand tot die dood van een persoon gelei nadat 'n onbekende voertuig onder 'n brandende vragmotor vasgekeer was.

- Ben Snyman

Volgens Daniel Dippenaar, hoof van Hessequa branden reddingsdienste, het hul noodsentrum omstreeks 22:00 'n oproep ontvang oor 'n vragmotor wat aan die brand was. Toe nooddienste op die toneel opdaag, was die vragmotor reeds in vlamme gehul.

"Wat aanvanklik na 'n enkele voertuigvoorval gelyk het, het gou in 'n veel ernstiger situasie ontwikkel toe ontdek is dat daar 'n tweede voertuig onder die brandende vragmotor vasgekeer was," het Dippenaar gesê.