Omgeemense skenk ruim

Die ruimhartigheid van Riversdal-inwoners - en dié van 'n engel uit Glentana - lees soos 'n sprokie. Dié goedheid hou net nie op nie.

- Hugo Redelinghuys

Die afgelope week is personeel by Suid-Kaap Forum weereens diep getref deur die oop beursies van mense wat bydraes vir Becca's-sopkombuis kom aflewer het. Mense met omgeeharte en 'n liefde vir hul medemens, veral diegene wat swaarkry en sukkel om huis en haard aanmekaar te hou.

Maandag daag 'n vrou hier op. "Ek wil graag 'n klein bydrae lewer... kan ek kontant gee vir gas?" vra sy beleefd. Ek knik instemmend. "Dankie mevrou, dit sal baie help as ons 'n gasbottel kan volmaak." Toe sy die R1 000 in R100-note in my hand druk, skiet my gemoed vol. Hoe anders? In só 'n oomblik mag die trane maar loop.

Kort vóór middagete daag 'n man met 'n bakkie uit Glentana ook hier op. Hy bel vooraf om te vra of daar ekstra hande is wat kan help aflaai.