ડોનાલ્ડ ટ્રમ્પની ઈચ્છા આખરે પૂરી થઈ: મારિયા મચાડોએ પોતાનો શાંતિ નોબેલ પુરસ્કાર ભેટ કર્યો

અમેરિકી રાષ્ટ્રપ્રમુખ ટ્રમ્પે વ્હાઈટ હાઉસમાં વેનેઝુએલાનાં વિપક્ષી નેતા મારિયા કોરિના મચાડો સાથે મુલાકાત કરી હતી.

- 

અમેરિકી રાષ્ટ્રપ્રમુખ ટ્રમ્પે વ્હાઈટ હાઉસમાં વેનેઝુએલાનાં વિપક્ષી નેતા મારિયા કોરિના મચાડો સાથે મુલાકાત કરી હતી. વેનેઝુએલાના રાષ્ટ્રપતિ નિકોલસ માદુરોનું અપહરણ કર્યા પછી આ તેમની કોઈ પણ વેનેઝુએલાના નેતા સાથેની પ્રથમ રૂબરૂ મુલાકાત હતી. મુલાકાત પછી મચાડોએ કહ્યું કે તેમણે ટ્રમ્પને નોબેલ શાંતિ પુરસ્કારનો મેડલ ભેટ કર્યો છે. તેમણે કહ્યું કે મને લાગે છે કે આજે આપણે વેનેઝુએલાવાસીઓ માટે એક ઐતિહાસિક દિવસ છે.

ટ્રમ્પે સોશિયલ મીડિયા ટ્રુથ સોશિયલ પર પોસ્ટ કરીને મારિયા કોરિના મચાડો સાથેની મુલાકાતને સન્માનજનક ગણાવી હતી. તેમણે કહ્યું કે મચાડો એક અદ્ભુત મહિલા છે, જેમણે ઘણું સહન કર્યું છે. મારિયાએ મારાં સારાં કાર્યો માટે મને પોતાનો નોબેલ શાંતિ પુરસ્કાર પ્રદાન કર્યો છે. આપણા બંને વચ્ચેનું આ પરસ્પર સન્માન કમાલનું છે.