હિમાચલના બનાલામાં મનાલી હાઈવે બંધઃ ર૦૦૦ પ્રવાસી ફસાયા

પંજાબના સાત જિલ્લામાં પૂર: સેના પહોંચી, ગામ ખાલી કરાવ્યાં

- 

દેશનાં અનેક રાજ્યમાં વરસાદ હવે વિનાશ બનીને વરસી રહ્યો છે તેવામાં હવામાન વિભાગે ફરી આગામી ૨૪ કલાક માટે દેશનાં અનેક રાજ્યમાં ભારેથી અતિભારે વરસાદ સાથે પવન ફૂંકાવાની આગાહી કરી લોકોને સતર્ક રહેવાની અપીલ કરી છે. જમ્મુ-કાશ્મીરમાં વરસાદ અને ભૂસ્ખલનથી વિનાશ સર્જાયો છે.

અનંતનાગ અને શ્રીનગરમાં જેલમ નદીએ ચેતવણીનું સ્તર વટાવી દીધું છે, અનેક પૂરગ્રસ્ત વિસ્તારોમાંથી ૧૦,૦૦૦થી વધુ લોકોને સુરક્ષિત સ્થળોએ ખસેડવામાં આવ્યા છે. હિમાચલમાં વરસાદ અને ભૂસ્ખલનના કારણે ૧૦ જિલ્લાના ૫૮૪ રસ્તા બંધ છે.

કાંગડા જિલ્લામાં બિયાસ કાંઠે આવેલા અનેક ગામોમાં પાણી ભરાઈ જવાની શક્યતા છે. ઈંદૌરા વિસ્તારના ૬૦ ગામને ૧૨ વાગ્યા પહેલા ખાલી કરાવવાનો હુકમ કરાયો છે. હિમાચલના બનાલામાં ભૂસ્ખલન થયું છે. ચંડીગઢ-મનાલી હાઇવે બંધ થતાં ર૦૦૦ પ્રવાસીઓ ફસાયા છે.